ନୟାଗଡ:କେନ୍ଦ୍ର ସରକାରଙ୍କ ଦ୍ବାରା ଘୋଷଣା କରାଯାଇଥିବା ଅଗ୍ନିପଥ ଯୋଜନାକୁ ପ୍ରତ୍ୟାହାର କରିବା ଦାବିରେ ସିପିଆଇଏମ ପକ୍ଷରୁ ରଣପୁର ପଞ୍ଚୁଦୋଳ ପଡ଼ିଆଠାରେ ବିକ୍ଷୋଭ ପ୍ରଦର୍ଶନ କରାଯାଇଛି । ଏହାସହ ପ୍ରଧାନମନ୍ତ୍ରୀ ଏବଂ ପ୍ରତିରକ୍ଷା ମନ୍ତ୍ରୀଙ୍କ କୁଶପୁତ୍ତଳିକା ଦାହ କରିଛନ୍ତି ବିକ୍ଷୋଭକାରୀ । ସିପିଆଇଏମ ନେତା ନିତ୍ୟାନନ୍ଦ ପରିଡାଙ୍କ ସଭାପତିତ୍ୱରେ ଅନୁଷ୍ଠିତ ବିକ୍ଷୋଭ ସଭାରେ ମୋଦି ସରକାରଙ୍କ ଏହି ଯୋଜନା ଦେଶର ସୁରକ୍ଷା ବିରୋଧୀ, ଯୁବ ବିରୋଧୀ ଓ ନିଯୁକ୍ତି ବିରୋଧୀ ବୋଲି କହିଥିଲେ l ଏହାସହ ଅଗ୍ନିପଥ ଯୋଜନାକୁ ତୀବ୍ର ସମାଲୋଚନା କରିବା ସହ ମୋଦି ସରକାରଙ୍କୁ ନିନ୍ଦା କରିଥିଲେ।
Agnipath Scheme Protest: ପ୍ରଧାନମନ୍ତ୍ରୀ ଓ ପ୍ରତିରକ୍ଷା ମନ୍ତ୍ରୀଙ୍କ କୁଶପୁତ୍ତଳିକା ଦାହ
ଦେଶ ଯେତେବେଳ ଜୟ ଯବାନ ଓ ଜୟ କିଷାନର ସ୍ଲୋଗାନ ଦେଉଛି ଓ ବାହ୍ୟ ଶତ୍ରୁ ଯୁଦ୍ଧର ଧମକ ଦେଉଛି ଠିକ ସେତିକିବେଳେ କେନ୍ଦ୍ର ସରକାର ସୁରକ୍ଷା ବ୍ୟବସ୍ଥାକୁ ଶକ୍ତିଶାଳୀ କରିବା ପରିବର୍ତ୍ତେ ୪ବର୍ଷିଆ ଠିକା ନିଯୁକ୍ତି ଦେଇ ଦୁର୍ବଳ କରିବାକୁ ମନଇଚ୍ଛା ଅଗ୍ନିପଥ ଯୋଜନା ଗ୍ରହଣ କରିଛନ୍ତି ବୋଲି ବକ୍ତା ମାନେ ଅଭିଯୋଗ କରିଥିଲେ।