ନୟାଗଡ଼: ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ଆରମ୍ଭ ହେବାକୁ ଯାଉଛି ବାଘ ଗଣନା । ନୟାଗଡ଼ ସାତକୋଶିଆ ଅଭୟାରଣ୍ୟ(Satkosia Sanctuary) ମହାନଦୀ ବନ୍ୟପ୍ରାଣୀ ବନଖଣ୍ଡ ଅଧୀନ ସମସ୍ତ ବନାଞ୍ଚଳରେ 15 ତାରିଖ ଅର୍ଥାତ ଆସନ୍ତାକାଲି(ବୁଧବାର) ଠାରୁ ବାଘ ଗଣନା କାର୍ଯ୍ୟକ୍ରମ ଆରମ୍ଭ ହୋଇ 17 ତାରିଖ ପର୍ଯ୍ୟନ୍ତ ଚାଲିବ l
ସାତକୋଶିଆ ଅଭୟାରଣ୍ୟରେ 15ରୁ ବାଘ, 20ରୁ ତୃଣଭୋଜୀ ପ୍ରାଣୀ ଗଣନା ଆରମ୍ଭ
ସେହିପରି ଆସନ୍ତା 20 ତାରିଖରୁ 23 ତାରିଖ ମଧ୍ୟରେ ତୃଣଭୋଜୀ ପ୍ରାଣୀମାନଙ୍କ ଗଣନା କାର୍ଯ୍ୟକ୍ରମ ଚାଲିବ ବୋଲି ଜଣାପଡିଛି l ଏନେଇ ସମ୍ପୃକ୍ତ ବନ ବିଭାଗ ତରଫରୁ ନିର୍ଦେଶନାମା ପ୍ରକାଶ ପାଇବା ପରେ ଛାମୁଣ୍ଡିଆ ବନ୍ୟପ୍ରାଣୀ ବନାଞ୍ଚଳ କାର୍ଯ୍ୟାଳୟର ବନ କର୍ମଚାରୀ ତତ୍ପରତା ପ୍ରକାଶ ଦେଖାଇଛନ୍ତି l ବିଶେଷ କରି ବନ କର୍ମଚାରୀମାନେ ବାଘ ଗଣନା ସମୟରେ ବାଘ କିମ୍ବା ବାଘର ମଳ ବା ରାମ୍ପୁଡା ଏବଂ ପାଦଚି଼ହ୍ନ ଦେଖି ଗଣନା କରିବେ l