ନୟାଗଡ: ମଣ୍ଡି ପରିଚାଳନା ନାଁରେ କୋଟି କୋଟି ଟଙ୍କାର ଆତ୍ମସାତ୍ । ହେଲେ ଏହାର ସୁଫଳ ପାଉନାହାଁନ୍ତି ଚାଷୀ । ମଣ୍ଡିରୁ ଧାନ ଉଠି ନ ପାରି ଚାଷୀ ହନ୍ତସନ୍ତ ହେଉଥିବାବେଳେ, ସେପଟେ ଚାଷୀଙ୍କ ନାଁରେ ସମବାୟ ସମିତିର ସଦସ୍ୟ ଟଙ୍କା ଲୁଟୁଥିବା ଅଭିଯୋଗ ହୋଇଛି । ଖରା, ବର୍ଷା ଶୀତ କାକରରେ ଚାଷୀ ନିଜ ଧାନ ବିକିବାକୁ ମଣ୍ଡିକୁ ଆସିଥାଏ । ଆଉ ରାତି ତମାମ ଏଠାରେ ଜଗି ରହୁଥାଏ । ହେଲେ ଶୌଚାଳୟ ଓ ପାନୀୟ ଜଳ ଭଳି ମୌଳିକ ସୁବିଧା ମିଳିପାରିନାହିଁ । ଯାହାର ଜଳ୍ବନ୍ତ ଉଦାହରଣ ନୟାଗଡ ଜିଲ୍ଲାରେ ଦେଖିବାକୁ ମିଳିଛି ।
ଧାନ ମଣ୍ଡିରେ ଦୁର୍ନୀତି; ମୌଳିକ ସୁବିଧା ନାଁରେ ଅର୍ଥ ଆତ୍ମସାତ ଚାଷୀଙ୍କୁ ସହଜ ଓ ସୁବିଧାରେ ଧାନ କିଣିବାକୁ ସରକାର ଜିଲ୍ଲାରେ ଥିବା ଆରଏମସି ଜରିଆରେ ବିଭିନ୍ନ ସ୍ଥାନରେ ମଣ୍ଡି ଖୋଲୁଛନ୍ତି । ଯାହା ଦ୍ବାରା ଚାଷୀ ନିଜର ଉତ୍ପାଦିତ ଧାନକୁ ବିକ୍ରି କରିପାରିବ । ଏଥିପାଇଁ ସମସ୍ତ ମଣ୍ଡିରେ ଚାଷୀଙ୍କୁ ମୌଳିକ ସୁବିଧା ଯୋଗାଇ ଦେବାର ନିୟମ ରହିଛି। ପ୍ରତି ମଣ୍ଡିରେ ଚାଷୀଙ୍କ ପାଇଁ ପିଇବା ପାଣି, ଅସ୍ଥାୟୀ ଶୌଚାଳୟ ଏବଂ ଚାଷୀଙ୍କ ରହିବା ପାଇଁ ଅସ୍ଥାୟୀ ତମ୍ବୁ କରିବା ବାଧ୍ୟତାମୂଳକ । ମାତ୍ର ନୟାଗଡ ଜିଲ୍ଲାରେ ଏସବୁ କାଗଜ କଲମରେ ସୀମିତ ।
ମୌଳିକ ସୁବିଧା ନାଁରେ ଅର୍ଥ ଆତ୍ମସାତ ମୌଳିକ ସୁବିଧା ନାଁରେ ଅର୍ଥ ଆତ୍ମସାତ ଧାନ ମଣ୍ଡିର ସୁପରିଚାଳନା ପାଇଁ ଏମଏଫର ଦୁଇ ପ୍ରତିଶତରେ ଚାଷୀଙ୍କୁ ସମସ୍ତ ସୁବିଧା ଯୋଗାଇବାର ବ୍ୟବସ୍ଥା ରହିଛି । ଆରଏମସି ଜରିଆରେ ସମସ୍ତ ମଣ୍ଡିକୁ ପ୍ରତିବର୍ଷ ଟଙ୍କା ବ୍ୟୟବରାଦ ହୋଇଥାଏ । ଆରଟିଆଇ ତଥ୍ୟ ଅନୁସାରେ, 2018-19 ରେ 4 କୋଟି 94 ଲକ୍ଷ 63 ହଜାର 364 ଟଙ୍କା, 17-18ରେ 2 କୋଟି 52 ଲକ୍ଷ 42 ହଜାର 168 ଏବଂ 16-17ରେ 3 କୋଟି 31 ଲକ୍ଷ ଟଙ୍କା ଦିଆଯାଇଛି । ସେପଟେ, ମୌଳିକ ସୁବିଧା ମିଳୁନଥିବା ବେଳେ ଜାଲ ବିଲ ଦ୍ବାରା କୋଟି କୋଟି ଟଙ୍କାର ଖର୍ଚ୍ଚ କରାଯାଉଥିବା ଅଭିଯୋଗ ହୋଇଛି ।
ଅନ୍ୟପଟେ, ଚାଷୀଙ୍କ ନାଁରେ ବର୍ଷ ବର୍ଷ ଧରି ଏପରି ଟଙ୍କା ହଡପ ହେଉଥିବାବେଳେ ନିରବଦ୍ରଷ୍ଟା ସାଜିଛି ଜିଲ୍ଲାପ୍ରଶାସନ । ଏପରି ହେଉଥିଲେ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଉପଜିଲ୍ଲାପାଳ କହିଛନ୍ତି । ତେବେ ରାଜକୋଷରୁ କୋଟି କୋଟି ଟଙ୍କା ହଡପ ହେଉଥିବାବେଳେ ଏହାର ଉଚ୍ଚସ୍ତରୀୟ ତଦନ୍ତ କରାଗଲେ ସତ୍ୟାସତ୍ୟ ଜଣାପଡିବ । ତେବେ ରାଜକୋଷରୁ କୋଟି କୋଟି ଟଙ୍କା ହଡପ ହେଉଥିବାବେଳେ ଟିକିଏ ସୁବିଧା ପାଇଁ ହଇରାଣ ହେଉଛି ଚାଷୀ । ଯାହାର ଉଚ୍ଚସ୍ତରୀୟ ତଦନ୍ତ କରାଯାଇ ସତ ଉନ୍ମୋଚନ କରିବାକୁ ସାଧାରଣରେ ହୋଇଛି ଦାବି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
