ନୟାଗଡ: ଜିଲ୍ଲାର ଦଶପଲ୍ଲା ବ୍ଲକ ଅନ୍ତର୍ଗତ 3ଟି ଗାଁରେ କିଛିଦିନ ହେବ ସ୍ଥାନୀୟ ଜଙ୍ଗଲ ଜମିକୁ ନେଇ ବିବାଦ ଲାଗିରହିଛି। ଏନେଇ 3 ଗ୍ରାମବାସୀ ମୁହାଁମୁହିଁ ହୋଇଛନ୍ତି। ସୂଚନା ମୁତାବକ ଗତ 2015 ମସିହାରେ ଗ୍ରାମ୍ୟ ଜଙ୍ଗଲ ପାଇଁ ଦଶପଲ୍ଲା ରେଞ୍ଜ ବାଣୀଗୋଛା ବନାଞ୍ଚଳ ଅଧିନରେ ଥିବା ବ୍ରହ୍ମଣୀଦେଇ ଓ ରୁଗୁମା ପାହାଡକୁ ବାଣୀବିରି ଓ ଜାଣିପଦର ଦୁଇ ଗ୍ରାମ ଏକ ଜଙ୍ଗଲ ସୁରକ୍ଷା କମିଟି ଗଠନ କରି ଦୀର୍ଘ ଦିନ ହେବ ସୁରକ୍ଷା ଦେଉଛନ୍ତି। ଗୁରୁହା ଗ୍ରାମର ଏକାଧିକ ମହିଳା ଓ ପୁରୁଷ ଉକ୍ତ ଜଙ୍ଗଲକୁ ଟାଙ୍ଗିଆ କଟୁରି ସାଙ୍ଗରେ ନେଇ ପସିଥିଲେ। କିଛି ସମୟ ଉଭୟଙ୍କ ମଧ୍ୟରେ ପାଟିତୁଣ୍ଡ କରି ୩ହଳ କାଠ ନେଇଯାଇଥିଲେ l 3 ଗୋଟି ଗ୍ରାମ ମଧ୍ୟରେ ଗ୍ରାମ୍ୟଜଙ୍ଗଲକୁ ନେଇ ଉଭୟ ପକ୍ଷରୁ ମୁହାଁମୁହିଁ ପରିସ୍ଥିତି ହେବାସହ ଉତ୍ତେଜନା ଦେଖାଦେଇଥିଲା।
ଜଙ୍ଗଲ ଜମିକୁ ନେଇ ବିବାଦ, 3 ଗ୍ରାମବାସୀ ମୁହାଁମୁହିଁ