ନୟାଗଡ: ଚଳନ୍ତା କାରରେ ଲାଗିଲା ନିଆଁ । ରାସ୍ତା ଉପରେ ହୁତୁ ହୁତୁ ହୋଇ ଜଳିଲା ମହିନ୍ଦ୍ରା ଏକ୍ସ ୟୁ ଭି କାର । ଏତେ ବଡ ଦୁର୍ଘଟଣାରୁ ଅଳ୍ପକେ ବର୍ତ୍ତିଗଲେ କାର ଡ୍ରାଇଭରଙ୍କ ସମେତ 3 ଯାତ୍ରୀ । ଏହି ଘଟଣାଟି ଖୋର୍ଦ୍ଧା ବଲାଙ୍ଗୀର 56 ନମ୍ବର ଜାତୀୟ ରାଜପଥର ନୟାଗଡ ପ୍ରବେଶ ପଥ ବିଜିପୁର ଗେଟ ନିକଟରେ ଘଟିଛି ।
ରାସ୍ତା ଉପରେ ହୁତୁହୁତ ହୋଇ ଜଳିଲା କାର କାରଟି ନୟାଗଡରୁ ରାଜ ସୁନାଖଳା ଆସୁଥିଲା । ଏହି ସମୟରେ ହଠାତ ଗାଡିର ସମ୍ମୁଖ ଇଞ୍ଜିନରେ ନିଆଁ ଲାଗିଯାଇଥିଲା । ଏହା ପରେ ଡ୍ରାଇଭର ଗାଡିକୁ ଭିମପଡା ବଜାର ଠାରେ ରଖି ଦେଇଥିଲେ । ସ୍ଥାନୀୟ ଲୋକଙ୍କ ସାହାଯ୍ୟକ୍ରମେ 4 ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ଘଟଣାସ୍ଥଳରେ ଦମକଳବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
