ମର୍ମନ୍ତୁଦ ଦୁର୍ଘଟଣା: ନିଶ୍ଚିହ୍ନ ହୋଇଗଲା ରାଇସ ମାଲିକଙ୍କ ପରିବାର, ଡ୍ରାଇଭର ମୃତ

07:50 January 11

ମର୍ମନ୍ତୁଦ ଦୁର୍ଘଟଣା: ନିଶ୍ଚିହ୍ନ ହୋଇଗଲା ରାଇସ ମାଲିକଙ୍କ ପରିବାର, ଡ୍ରାଇଭର ମୃତ

ନୟାଗଡ଼: ଘନ କୁହୁଡି ନେଲା 4 ଜୀବନ । ଜିଲ୍ଲାର ଓଡଗାଁ ଥାନା କରଡାରେ ଗଛରେ ପିଟି ହେଲା ଦୃତଗାମୀ କାର । ଏଥିରେ ଡ୍ରାଇଭର ସହ ଗୋଟିଏ ପରିବାରର 3 ଜଣଙ୍କ ମୃତ୍ୟୁ ଘଟିଛି । 

ନନ୍ଦିଘର ରାଇସ ମିଲର ମାଲିକ ଚିରଞ୍ଜୀବ ସାହୁ ନିଜ କାର ଯୋଗେ ଭୁବନେଶ୍ବରରୁ ଓଡଗାଁ ଥାନା ନନ୍ଦିଘର କରଡା ସାହିକୁ ଫେରୁଥିଲେ । ଏହି ସମୟରେ କାର୍‌ଟି ଗଛରେ ପିଟି ହୋଇ ହୋଇଥିଲା । ଚିରଞ୍ଜୀବଙ୍କ ସହ ଗାଡିରେ ତାଙ୍କ ସ୍ତ୍ରୀ ମଧୁସ୍ମିତା, ପୁଅ ଆଦିତ୍ୟ  ଓ ଗାଡିର ଡ୍ରାଇଭର ସନ୍ତୋଷ ନାୟକ ଥିଲେ । ପରିବାରର 3 ସଦସ୍ୟଙ୍କ ସମେତ ଗାଡି ଡ୍ରାଇଭରର ମୃତ୍ୟୁ ହୋଇଛି । 

ସେପଟେ ପୋଲିସ ଘଟଣାସ୍ଥଳରେ ପହଞ୍ଚି 4 ଜଣଙ୍କ ମୃତଦେହ ଜବତ କରିଛି । ଦୁର୍ଘଟଣାକୁ ନେଇ ମେଡିକାଲ ପରିସରରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଛି । ତେବେ ଘନ କୁହୁଡି ଓ ଡ୍ରାଇଭର ଆଖି ଲାଗି ଯାଇଥିବାରୁ ଦୁର୍ଘଟଣା ଘଟିଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି ।
 
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ