ନୟାଗଡ଼: ଆଉ ମାତ୍ର କିଛି ଘଣ୍ଟା ପରେ ଶେଷ ହେବ ପୌର ନିର୍ବାଚନ ପାଇଁ ପ୍ରଚାର ଯୁଦ୍ଧ। ଏନେଇ ଚାରିଆଡେ ବାତାବରଣ ସରଗରମ ରହିଛି। ନୟାଗଡ଼ ଜିଲ୍ଲା ଦଶପଲ୍ଲା ଏନଏସି ହାତେଇବା ପାଇଁ ପ୍ରଚାରର ଶେଷ ଦିନରେ ରାଜନୈତିକ ଦଳ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଛି।
୨୦୧୪ ମସିହାରେ ଗଠିତ ଦଶପଲ୍ଲା ଏନଏସି ୧୬ଟି ୱାର୍ଡ ରହିଛି । ତେବେ ଏଥର ଦ୍ବିତୀୟ ଥର ପାଇଁ ପୌର ନିର୍ବାଚନ ଅନୁଷ୍ଠିତ ହେଉଛି । ଚଳିତ ଥର ମୋଟ ୧୫,୨୯୪ ଜଣ ଭୋଟର ମତଦାନ କରିବେ । ଏକଦା କଂଗ୍ରେସର ଗଡ଼ କୁହାଯାଉଥିବା ଦଶପଲ୍ଲାରେ ଅଧ୍ୟକ୍ଷା ପ୍ରାର୍ଥୀ ଦେବାରେ ଫେଲ ମାରିଛି କଂଗ୍ରେସ । କିନ୍ତୁ ଏଠାରେ ସ୍ବାଧୀନ ପ୍ରାର୍ଥୀଙ୍କ ଦବଦବା ଥିବା କୁହାଯାଉଛି l ଚଳିତ ନିର୍ବାଚନରେ ସ୍ବାଧୀନ ପ୍ରାର୍ଥୀ ନିର୍ଣ୍ଣାୟକ ଭୂମିକା ନେଇପାରନ୍ତି ବୋଲି କୁହାଯାଉଛି l ତେବେ ପ୍ରଚାର ରଣଭୂମିରେ ଶାସକ ଦଳ(BJD), ବିଜେପି ଓ ସ୍ବାଧୀନ ପ୍ରାର୍ଥୀଙ୍କ ମଧ୍ୟରେ ଜୋରଦାର କସରତ ଦେଖିବାକୁ ମିଳିଛି ।
ପୌର ନିର୍ବାଚନ, ଦଶପଲ୍ଲା ଏନଏସିରେ ନିର୍ଣ୍ଣାୟକ ଭୂମିକା ନେଇପାରନ୍ତି ସ୍ୱାଧୀନ ପ୍ରାର୍ଥୀ