ବ୍ରାଉନସୁଗାର ଜବତ, ଜଣେ ଗିରଫ

ନୟାଗଡ ଜିଲ୍ଲରେ ଚଢାଉ । ବ୍ରାଉନସୁଗାର ସହ ମୋବାଇଲ ଜବତ । ଜଣେ ଗିରଫ । ଅଧିକ ପଢନ୍ତୁ...

ନୟାଗଡ଼: ଜିଲ୍ଲା ସଦର ଅବକାରୀ ବିଭାଗକୁ ସଫଳତା । ବିଭାଗ ଏକ ମୋବାଇଲ ସ୍କ୍ବାର୍ଡ ଗଠନ କରି ସିନ୍ଦୁରିଆ ନିକଟରେ ଚଢାଉ କରି ବ୍ରାଉନସୁଗାର ସହ 14ଟି ମୋବାଇଲ ଜବତ କରିଛି । ମାମଲାରେ ସମ୍ପୃକ୍ତ ଜଣେ ଅଭିଯୁକ୍ତ ମଧ୍ୟ ଗିରଫ ହୋଇଛି ।

ସୂଚନା ଅନୁଯାୟୀ ନୟାଗଡ ଜିଲ୍ଲା ସିନ୍ଦୁରିଆ ସ୍ଥିତ ବ୍ୟାଙ୍କ ଛକ ନିକଟରେ ବ୍ରାଉନସୁଗାର କାରବାର ଚାଲିଥିବା ଅବକାରୀ ବିଭାଗକୁ ସୂଚନା ମିଳିଥିଲା । ଖବର ପାଇ ବିଭାଗ ପକ୍ଷରୁ ଏକ ମୋବାଇଲ ସ୍କ୍ବାର୍ଡ ଗଠନ କରାଯାଇ ସମ୍ପୃକ୍ତ ଅଞ୍ଚଳରେ ଚଢାଉ କରାଯାଇଥିଲା । ଚଢାଉବେଳେ ମୋବାଇଲ ସ୍କ୍ବାର୍ଡ 15 ଗ୍ରାମ ବ୍ରାଉନସୁଗାର ସହ 14 ଟି ମୋବାଇଲ ଜବତ କରିଛି ।

ଏଥିସହ ଜଣେ ଅଭିଯୁକ୍ତକୁ ମଧ୍ୟ ଗିରଫ କରିଛି ସ୍କ୍ୱାର୍ଡ । ଗିରଫ ଅଭିଯୁକ୍ତ ଜଣକ ସିନ୍ଦୁରିଆ ଗାଁର ନିରଞ୍ଜନ ମହାରଣା । ତେବେ ନିରଞ୍ଜନ ରଣପୁର ଲୋଧାଚୁଆ ଅଞ୍ଚଳର ବିଶ୍ବଜିତ ନାୟକଙ୍କ ଠାରୁ ବ୍ରାଉନସୁଗାର ଆଣି ନୟାଗଡ ସହରରେ ବିକ୍ରି କରୁଥିବା ଜଣାପଡିଛି । ଏହି ବେପାରରେ ଅନ୍ୟ କେଉଁମାନେ ସମ୍ପୃକ୍ତ ଅଛନ୍ତି ସେମାନଙ୍କୁ ଖୁବଶୀଘ୍ର ଗିରଫ କରାଯିବ ବୋଲି ବିଭାଗ କହିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ