ନୟାଗଡ଼:ବାହାଘର ଭୋଜି ବେଳେ ବରଯାତ୍ରୀଙ୍କ ଉତ୍ପାତକୁ ନେଇ ଦୁଇ ଗାଁ ମଧ୍ୟରେ ଗୋଷ୍ଠୀ ସଂଘର୍ଷ । ନୟାଗଡ଼ ଜିଲ୍ଲା ସଦର ଥାନା ଅନ୍ତର୍ଗତ ନୂଆରାଇପୁର ଓ ଡାଳିମ୍ବମଡ଼ା ଗାଁ ଭିତରେ ବାହାଘର ବେଳେ ଭୋଜିରେ ବାଲି ପକାଇବାକୁ ନେଇ ଉଭୟ ଗାଁ ମଧ୍ୟରେ ରକ୍ତାକ୍ତ ସଂଘର୍ଷ ଦେଖିବାକୁ ମିଳିଛି ।
ବାହାଘର ଭୋଜି ବେଳେ ବୋମା ମାଡ଼: 4 ଆହତ
ସୂଚନା ଅନୁଯାୟୀ, ନୂଆରାଇପୁର ଗାଁରେ ଏକ ଭୋଜି ଚାଲିଥିବା ବେଳେ ଡାଳିମ୍ବମଡ଼ା ଗ୍ରାମର ଏକ ବରଯାତ୍ରୀ ସେଇବାଟେ ଯାଉଥିଲେ । ଏହି ସମୟରେ ଉଭୟ ଗ୍ରାମ ମଧ୍ୟରେ ବିବାଦ ଆରମ୍ଭ ହୋଇଥିଲା । ତେବେ ପୂର୍ବରୁ ଦୀର୍ଘ ଦିନ ହେବ ଏକ ଦେବୋତ୍ତର ଜମିକୁ ନେଇ ଉଭୟ ଗ୍ରାମବାସୀଙ୍କ ମଧ୍ୟରେ ବିବାଦ ରହିଆସିଛି । ଉଭୟ ଗ୍ରାମର ଲୋକେ ଏହି ଦେବୋତ୍ତର ଜମିକୁ ନେବାକୁ ଉଦ୍ୟମ କରୁଥିବାରୁ ବିବାଦ ଲାଗି ରହିଛି । ଏହି ବିବାଦ ବାହାଘର ଭୋଜି ବେଳେ ଉଗ୍ରରୂପ ଧାରଣ କରିଛି ।