ବାରିପଦା: ମୟୂରଭଞ୍ଜ ଜିଲ୍ଲା ଶରତ ଥାନା ଶାରୀଶୁଆ ଗ୍ରାମରେ ଗୁଣିଗାରେଡି ସନ୍ଦେହରେ ମହିଳାଙ୍କୁ ଅତି ବୀଭତ୍ସ ହତ୍ୟାକାଣ୍ଡର ପର୍ଦ୍ଦାଫାଶ କରିଛି ପୋଲିସ । ଦୁଇ ଅଭିଯୁକ୍ତକୁ ଗିରଫ କରିଛି ପୋଲିସ । ଘଟଣା ପର ଠାରୁ ଫେରାର ଥିବା ଦୁଇ ଭାଇଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ ।
ଗୁଣିଗାରେଡି ସନ୍ଦେହରେ ମହିଳାଙ୍କୁ ହତ୍ୟା ଘଟଣା; ଦୁଇ ଭାଇଙ୍କୁ ଗିରଫ କଲା ପୋଲିସ
ଘଟଣା ଅନୁସାରେ ଗତ ଡିସେମ୍ବର ୨୯ ତାରିଖ ସନ୍ଧ୍ୟା ସମୟରେ ମୟୂରଭଞ୍ଜ ଜିଲ୍ଲା ଶରତ ଥାନା ଶାରୀଶୁଆ ଗ୍ରାମରେ ଘଟିଥିଲା ଜଘନ୍ୟ ହତ୍ୟାକାଣ୍ଡ । ସେହି ଗାଁ କାଳିଆ ମହାନ୍ତ ବିବାହର ଦୀର୍ଘ ବର୍ଷ ପରେ ବି ତାଙ୍କର ସନ୍ତାନ ହେଉ ନ ଥିବାରୁ ସେହି ଗାଁ ମହିଳା ଖଇରୀ ମହାନ୍ତ ଗୁଣି ଗାରେଡି କରିଥିବା ସନ୍ଦେହ କରିଥିଲେ । ଗତ ୨୯ ତାରିଖ ସନ୍ଧ୍ୟା ସମୟରେ ଖଇରୀ ପାଣି ଆଣିବା ପାଇଁ ଗାଁ ନଳକୂପ ନିକଟକୁ ଯାଉଥିବାବେଳେ ତାଙ୍କୁ ବୀଭତ୍ସ ଭାବେ ଗଳାକାଟି ହତ୍ୟା କରିଥିଲେ କାଳିଆ ମହାନ୍ତ ତାର ଭାଇ ବଳିଆ ମହାନ୍ତ ।