ନୟାଗଡ: ପରୀକୁ ନ୍ୟାୟ ଦାବିରେ ଭୁବନେଶ୍ବରରୁ ନୟାଗଡ ଯଦୁପୁର ଅଭିମୁଖେ ବାହାରିଛି ବିଜେପିର ବିଶାଳ ପଦଯାତ୍ରା । ଭୁବନେଶ୍ବର ଲିଙ୍ଗରାଜଙ୍କ ଠାରୁ ଆଜ୍ଞାମାଳ ନେଇ 5 ଦିନିଆ ପଦଯାତ୍ରାରେ ବିଜେପି ନୟାଗଡ ଆସୁଛି । ତେବେ ନୟାଗଡ଼ ଏବଂ ବିଭିନ୍ନ ଛକମାନଙ୍କରେ ଏହାକୁ ସ୍ବାଗତ କରିବାକୁ ବିଜେପି କର୍ମୀମାନେ ପ୍ରସ୍ତୁତ ହେଉଛନ୍ତି । ଆଜି(ରବିବାର) ଠାରୁ ଆସନ୍ତା 24 ତାରିଖ ଯାଏଁ ଏହି ପଦଯାତ୍ରା ଲାଗି ରହିବ ।
ଯଦୁପୁର ଅଭିମୁଖେ ବିଜେପିର ବିଶାଳ ପଦଯାତ୍ରା: ସ୍ୱାଗତ ପାଇଁ ଅପେକ୍ଷାରେ ନୟାଗଡ଼ ବିଜେପି
ଅନ୍ୟପକ୍ଷରେ ନୟାଗଡ଼ରେ ମଧ୍ୟ ବିଜେପିର ପ୍ରତିବାଦ ଜାରି ରହିଛି । ତେବେ ପ୍ରତିଦିନ ପ୍ରାୟ 200 କିମି ରାସ୍ତା ପଦଯାତ୍ରା କରିବ ବିଜେପି । ଆଜି ଭୁବନେଶ୍ବରରୁ ବାହାରି ଯାଆଁଳାରେ ରହିବ ଦଳ । 21 ତାରିଖ ଦିନ ଯାଆଁଳାରୁ ବାହାରି ସାରୁଅ, 22 ତାରିଖରେ ସାରୁଅରୁ ବୋଲଗଡ଼, 23 ରେ ବୋଲଗଡ଼ରୁ ଇଟାମାଟି ଏବଂ 25 ତାରିଖ ତଥା ଶେଷ ଦିନ ଇଟାମାଟିରୁ ଯଦୁପୁର ଠାରେ ଏହି ପଦଯାତ୍ରା ପହଞ୍ଚିବା ପରେ ଦଳ ପକ୍ଷରୁ ଏକ ବିଶାଳ ସମାବେଶ ଆୟୋଜନ କରାଯିବ ।