ନୟାଗଡ: ହୁଲୁସ୍ତୁଲ ହେବାରେ ଲାଗିଛି ଦଶପଲ୍ଲା ନିର୍ବାଚନ ମଣ୍ଡଳୀ । ବିଜେଡ଼ି ଗଡ଼ରେ ଏଣ୍ଟ୍ରି ମାରିବାକୁ ସ୍ବତନ୍ତ୍ର ରଣନୀତି ପ୍ରସ୍ତୁତ କରୁଛି ବିଜେପି । ଦଶପଲ୍ଲା ବ୍ଲକ ସଭାପତି ତଥା ପୂର୍ବତନ ବିଧାୟକ ପୂର୍ଣ୍ଣଚନ୍ଦ୍ର ନାୟକଙ୍କ ନେତୃତ୍ବରେ ଚାଲିଛି ଜବରଦସ୍ତ ଯୋଜନା ।
ଦଶପଲ୍ଲା ବିଜେଡ଼ି ଗଡ଼ରେ ଏଣ୍ଟ୍ରି ମାରିବାକୁ ବିଜେପିର ସ୍ୱତନ୍ତ୍ର ରଣନୀତି
ଦଶପଲ୍ଲା ନିର୍ବାଚନ ମଣ୍ଡଳୀରେ 6ଟି ଜିଲ୍ଲା ପରିଷଦ ଜୋନ ରହିଛି l ଗଣିଆ, ଦଶପଲ୍ଲା ଏବଂ ନୂଆଗାଁ ବ୍ଲକକୁ ନେଇ ଦଶପଲ୍ଲା ନିର୍ବାଚନ ମଣ୍ଡଳୀ ଗଠିତ l 2017 ତ୍ରିସ୍ତରୀୟ ପଞ୍ଚାୟତ ନିର୍ବାଚନର ସମସ୍ତ ଜିଲ୍ଲା ପରିଷଦ ଆସନ ଅକ୍ତିଆର କରିଥିଲା ବିଜେଡ଼ି l ସେତେବେଳେ ବିଜେଡ଼ିର ନେତୃତ୍ବ ନେଇଥିଲେ ବର୍ତ୍ତମାନର ବିଜେପି ଦଶପଲ୍ଲା ବ୍ଲକ ସଭାପତି ପୂର୍ଣ୍ଣଚନ୍ଦ୍ର ନାୟକ l 2019 ସାଧାରଣ ନିର୍ବାଚନରେ ପୂର୍ଣ୍ଣଚନ୍ଦ୍ରଙ୍କୁ ବିଧାୟକ ପାଇଁ ବିଜେଡ଼ି ଟିକେଟ ନ ମିଳିବାରୁ ସେ ବିଜେପିରେ ଯୋଗ ଦେଇଥିଲେ l ବିଜେପିରୁ ଟିକେଟ ପାଇ ବିଧାୟକ ପାଇଁ ଲଢ଼ି ହାରିଥିଲେ ।