ନୟାଗଡ଼: ରଣପୁର ଥାନା ଅଧୀନ ପାମ୍ପଡା ଗାଁରୁ ବେଆଇନ ଭାବେ ଗୋରୁ ଚୋରା ଚାଲାଣ ହେଉଥିବା ବେଳେ ଖବର ପାଇ ବଜରଙ୍ଗୀ ଦଳ ଏହାକୁ ଅଟକାଇଛି । ଏକାଧିକ ଗୋରୁଙ୍କୁ ଉଦ୍ଧାର କରିବା ସହ ଗୋରୁ ବୋଝେଇ ଟାଟା ଏସି ସହ ଜଣଙ୍କୁ ରଣପୁର ଥାନାରେ ଜିମା ଦେଇଛନ୍ତି ବଜରଙ୍ଗ ଦଳ ସଦସ୍ୟମାନେ ।
ବେଆଇନ ଗୋ' ଚାଲାଣକୁ ଅଟକାଇଲା ବଜରଙ୍ଗୀ ଦଳ ଆଜି(ସୋମବାର) ସକାଳୁ ପାମ୍ପଡ଼ା ଗାଁରେ କିଛି ଗୋରୁ ମାଫିଆ ବେଆଇନ ଗୋ' ଚାଲାଣ କରୁଥିବାର ଖବର ପାଇଥିଲା ଦଳ । ପରେ ଘଟଣାସ୍ଥଳରେ ବଜରଙ୍ଗୀ ଦଳ ପହଞ୍ଚି ଗୋରୁ ଉଦ୍ଧାର କରିବା ସହ ଗୋରୁ ଚାଲାଣରେ ସମ୍ପୃକ୍ତ ଜଣେ ଡ୍ରାଇଭରଙ୍କୁ ରଣପୁର ଥାନାରେ ଜିମା ଦେଇଛନ୍ତି । ଅନ୍ୟ 2 ଜଣ ଖସି ପଳାଇବାରେ ସକ୍ଷମ ହୋଇଛନ୍ତି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
