ନୟାଗଡ଼: ଜୀବନମରଣ ସହ ଲଢ଼େଇ କରୁଛନ୍ତି ପ୍ରେମାନନ୍ଦ । ଏପଟେ ଚିକିତ୍ସା ପାଇଁ ଅର୍ଥ ସାଜିଛି ବାଧକ । ଘଟଣାଟି ହେଉଛି ନୟାଗଡ଼ ଜିଲ୍ଲା ଓଡଗାଁ ଥାନା ଲିଙ୍ଗରାଜ ପ୍ରସାଦ ଗୋଡିପଲ୍ଲୀ ଗ୍ରାମର । ସେହି ଗ୍ରାମର ପ୍ରେମାନନ୍ଦ ନାୟକ ଗତ 16 ତାରିଖ ସନ୍ଧ୍ୟାରେ ଏକ ଗାଡ଼ି ଧକ୍କାରେ ଗୁରୁତର ଆହତ ହୋଇଥିଲେ । ମୁଣ୍ଡରେ ଗଭୀର ଆଘାତ ଲାଗିବା ସହ ଦୁଇଟି ଯାକ ଗୋଡ ମଧ୍ୟ ଭାଙ୍ଗି ଯାଇଛି l ସେ ବର୍ତ୍ତମାନ ଗୁରୁତର ଅବସ୍ଥାରେ ଭୁବନେଶ୍ବର ଏମ୍ସରେ ଚିକିତ୍ସିତ ହେଉଛନ୍ତି l
ଡାକ୍ତରଙ୍କ କହିବାନୁସାରେ ତାଙ୍କର ଦୁଇଟି ଯାକ ଗୋଡ଼ ଅସ୍ତ୍ରୋପଚାର କରାଯିବ l ଏଥିପାଇଁ ତିନି ଲକ୍ଷରୁ ଉର୍ଦ୍ଧ୍ବ ଟଙ୍କା ଆବଶ୍ୟକ l ମାତ୍ର ପ୍ରେମାନନ୍ଦଙ୍କ ପାଖେ ଏତେ ଟଙ୍କା ନାହିଁ l ସବୁଠୁ ଦୁଃଖର ବିଷୟ ଯେ, ପ୍ରେମାନନ୍ଦଙ୍କ ଦେଖାଶୁଣା କରିବା ପାଇଁ ଦୁନିଆରେ ତାଙ୍କ ବାପା, ମା, ଭାଇ ବୋଲି କେହି ନାହାଁନ୍ତି l ପରିବାର ବୋଲି କେବଳ ସାନ ଭଉଣୀ ଟିଏ l ପ୍ରେମାନନ୍ଦ ଜଣେ ନିରୀହ ମଣିଷ ଅଟନ୍ତି l ତେବେ ସରକାରୀ କିମ୍ବା ବେସରକାରୀ ସୂତ୍ରରୁ ସହାୟତା ମିଳିଲେ ପ୍ରେମାନନ୍ଦଙ୍କ ଅସ୍ତ୍ରୋପଚାର କରାଯାଇ ପରିବ l