ନୟାଗଡରେ ଏତଲାକାରୀଙ୍କୁ ପୋଲିସର ମାଡ଼ ଅଭିଯୋଗ

ଟଙ୍କା ଲୁଟ୍ ନେଇ ଥାନାରେ ଏତଲା ଦେବାକୁ ଯାଇଥିବା ଜଣେ ବ୍ୟକ୍ତିଙ୍କୁ ପୋଲିସର ମାଡ । ନୟାଗଡ ଚାନ୍ଦପୁର ଥାନା ପୋଲିସ କର୍ମଚାରୀଙ୍କ ବିରୁଦ୍ଧରେ ଆସିଛି ଏହି ସଙ୍ଗୀନ ଅଭିଯୋଗ । ଅଧିକ ପଢନ୍ତୁ...

ନୟାଗଡ଼:ରାସ୍ତାରେ ଯାଉଥିବାବେଳେ ଡକାୟତ ଲୁଟି ନେଲେ ଟଙ୍କା l ଏନେଇ ଥାନାରେ ଅଭିଯୋଗ କରିବାକୁ ଆସିବାରୁ ଏତଲାକାରୀଙ୍କୁ ଓଲଟା ମାଡ଼ ମାରିଲା ପୋଲିସ l ଏଭଳି ଏକ ସଙ୍ଗୀନ ଅଭିଯୋଗ ଆସିଛି ନୟାଗଡ଼ ଜିଲ୍ଲା ଚାନ୍ଦପୁର ଥାନାରୁ ।

ଅଭିଯୋଗ ଅନୁସାରେ, ନୟାଗଡ଼ ଜିଲ୍ଲା ଚାନ୍ଦପୁର ଥାନା ଶାସ୍ତ୍ରୀ ନଗରର ଦାଶରଥୀ ପ୍ରଧାନ ଗତକାଲି(ବୁଧବାର) ଅପରାହ୍ନରେ 4 ଲକ୍ଷ ଟଙ୍କା ନେଇ ବାଇକ ଯୋଗେ ଯାଉଥିଲେ । ବାଟରେ କିଛି ଦୁର୍ବୃତ୍ତ ତାଙ୍କ ଆଖିରେ ଲଙ୍କାଗୁଣ୍ଡ ପକାଇ ପାଖରେ ଥିବା ସମସ୍ତ ଟଙ୍କା ଛଡାଇ ନେଇଥିଲେ l ଏହି ଲୁଟ୍ ସମ୍ପର୍କରେ ଦାଶରଥୀ ଲିଖିତ ଅଭିଯୋଗ ଦେବା ପାଇଁ ଚାନ୍ଦପୁର ଥାନାରେ ପହଞ୍ଚି ଥିଲେ l ମାତ୍ର ସେଠାରେ ଜଣେ ପୋଲିସ କର୍ମଚାରୀ ଦାଶରଥୀଙ୍କ FIR ନ ରଖି ତାଙ୍କୁ ଅସଭ୍ୟ ଭାଷାରେ ଗାଳି ଗୁଲଜ କରିବା ସହ ମାଡ଼ ମାରିଥିବା ନେଇ ଚାନ୍ଦପୁର ଥାନାରେ ସେ ଲିଖିତ ଅଭିଯୋଗ କରିଛନ୍ତି । ଏନେଇ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ l

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ