ନୟାଗଡ଼: ଯୁବତୀଙ୍କ ଦୁଷ୍କର୍ମକାରୀକୁ ୧୦ ବର୍ଷ ସଶ୍ରମ କାରାଦଣ୍ଡାଦେଶ ସହ ୨୫ ହଜାର ଟଙ୍କାର ଜୋରିମାନା । ଏହା ସହିତ ପୀଡିତାଙ୍କୁ ମିଳିବ ୪ ଲକ୍ଷ ଟଙ୍କାର କ୍ଷତିପୂରଣ । ଏମିତି ରାୟ ଶୁଣାଇଛନ୍ତି ନୟାଗଡ଼ ଫାଷ୍ଟଟ୍ରାକ କୋର୍ଟ । ଦଣ୍ଡାଦେଶ ପାଇଥିବା ଆସାମୀ ହେଉଛି ଶରଣକୁଳ ଥାନା ନୂଆଗାଁ ଲଡ଼ୁକେଶ୍ବରପୁର ଗାଁର ମୁରଲୀ ନାୟକଙ୍କ ୨୨ ବର୍ଷୀୟ ପୁଅ କାହ୍ନୁ ନାୟକ ।
ଗତ ୨୦୧୬ ମସିହାରେ ଲଡ଼ୁକେଶ୍ବରପୁର ଅଞ୍ଚଳର ଜଣେ ଯୁବତୀ କାହ୍ନୁ ନାୟକ ଦ୍ବାରା ଦୁଷ୍କର୍ମର ଶିକାର ହୋଇଥିବା ନେଇ ଶରଣକୂଳ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ଅନୁଯାୟୀ, ପୀଡିତା ନିଜ ଘରେ ଶୋଇଥିବା ସମୟରେ ଘରେ ପଶି ବଳପୂର୍ବକ ଦୁଷ୍କର୍ମ କରିଥିଲା ଅଭିଯୁକ୍ତ କାହ୍ନୁ । ଏନେଇ ଅଭିଯୋଗ ହୋଇଥିଲା ଶରଣକୂଳ ଥାନାରେ । ପୋଲିସ ଏହାର ତଦନ୍ତ କରି କୋର୍ଟରେ ଚାର୍ଜସିଟ ଦାଖଲ କରିଥିଲା ।