ପ୍ରେମିକ ଘରୁ ମିଳିଲା ପ୍ରେମିକାର ମୃତଦେହ, ହତ୍ୟା ଅଭିଯୋଗ

ପ୍ରେମିକ ଘରୁ ମିଳିଲା ପ୍ରେମିକାର ମୃତଦେହ । ନୟାଗଡ଼ ଜିଲ୍ଲା ନୂଆଗାଁ ଥାନା ଅନ୍ତର୍ଗତ ସିକ୍ରୀଡା ପଞ୍ଚାୟତ ଅଧୀନ ଚାଚେରା ପଲ୍ଲୀ ଗ୍ରାମର ଜଣେ ପ୍ରେମିକର ଘରୁ ପ୍ରେମିକାର ମୃତଦେହ ଉଦ୍ଧାର । ଏହି ଖବର ଜାଣିବା ପରେ ଝିଅର ମା ନୂଆଗାଁ ଥାନାରେ ଲିଖିତ ଭାବେ ହତ୍ୟା ଅଭିଯୋଗ ଆଣିଛନ୍ତି l ଅଧିକ ପଢନ୍ତୁ...

ନୟାଗଡ଼: ପ୍ରେମିକ ଘରୁ ମିଳିଲା ପ୍ରେମିକାର ମୃତଦେହ । ନୟାଗଡ଼ ଜିଲ୍ଲା ନୂଆଗାଁ ଥାନା ଅନ୍ତର୍ଗତ ସିକ୍ରୀଡା ପଞ୍ଚାୟତ ଅଧୀନ ଚାଚେରା ପଲ୍ଲୀ ଗ୍ରାମର ଜଣେ ପ୍ରେମିକର ଘରେ ପ୍ରେମିକାର ମୃତଦେହ ଉଦ୍ଧାର । ଏହି ଖବର ଜାଣିବା ପରେ ଝିଅର ମା ଗୋଲାପ ବେହେରା ନୂଆଗାଁ ଥାନାରେ ଲିଖିତ ଭାବେ ହତ୍ୟା ଅଭିଯୋଗ ଆଣିଛନ୍ତି l

ଚାଚରା ପଲ୍ଲୀ ଗ୍ରାମର ବାଜି ବେହେରାଙ୍କ ପୁଅ ହାଡିବନ୍ଧୁ ବେହେରା (୨୫)ଙ୍କ ସେହି ଗ୍ରାମର ଜଣେ ନାବାଳିକାଙ୍କ ସହ ପ୍ରେମ ସମ୍ପର୍କ ଗଢ଼ି ଉଠିଥିଲା l ବିବାହ କରିବାର ପ୍ରତିଶୃତି ଦେଇ ନାବାଳିକାଙ୍କ ସହ ଶାରୀରିକ ସମ୍ପର୍କ ରଖିଥିବା ଅଭିଯୋଗ ହୋଇଛି l

ଉଭୟଙ୍କ ସମ୍ପର୍କ କଥା ଗାଁରେ ପ୍ରଘଟ ହେବାପରେ ଗାଁ ସଭା ନିଷ୍ପତି ଅନୁସାରେ ଉଭୟ ବିବାହ କରିଥାନ୍ତେ l କିନ୍ତୁ ପ୍ରେମିକ ହାଡି ବନ୍ଧୁ ଏଥିରେ ରାଜି ହୋଇନଥିଲା l ଫଳରେ 2019 ମସିହାରେ ନାବାଳିକା ଜଣକ ନୂଆଗାଁ ଥାନାରେ ଅଭିଯୋଗ କରିବାରୁ ପ୍ରେମିକ ହାଡିବନ୍ଧୁ ବେହେରାଙ୍କୁ ଜେଲ ଯିବାକୁ ପଡିଥିଲା l

ଗ୍ରାମବାସୀଙ୍କ ସହଯୋଗ ଦ୍ଵାରା ଉଭୟ ପକ୍ଷଙ୍କୁ ବୁଝାଇ ବାହାଘର ପାଇଁ ରାଜି ହେବାରୁ ଜେଲରୁ ମୁକୁଳିଲେ ହାଡିବନ୍ଧୁ । କିନ୍ତୁ ବାହାଘର ପାଇଁ ବିଭିନ୍ନ ଆଳ ଦେଖାଇ ଆଜି ପର୍ଯ୍ୟନ୍ତ ଦିନ ଗଡ଼େଇ ଚାଲିଲା ପ୍ରେମିକ l ପ୍ରେମିକ ଘର ଲୋକ ଅନ୍ୟ ଆଡ଼େ ଝିଅ ଦେଖିବା ଜାଣି ପ୍ରେମିକା ନାବାଳିକା ମାର୍ଚ୍ଚ 31 ଠାରୁ ପ୍ରେମିକ ଘରେ ଆସି ରହୁଥିଲେ l

ହେଲେ ଶନିବାର ଝିଅର ମୃତ୍ୟୁ ଖବର ଶୁଣି ଝିଅର ମା ଆସି ନୂଆଗାଁ ଥାନାରେ ପ୍ରେମିକ ବିରୋଧରେ ହତ୍ୟା ଅଭିଯୋଗ ଆଣିଛନ୍ତି । ନୂଆଗାଁ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ପୁଅର ବାପା ବାଜି ବେହେରାଙ୍କୁ ପୋଲିସ ଅଟକ ରଖିଛି l ଝିଅ ନିକଟରୁ ଏକ ବିଷ ବୋତଲ ଜବତ କରି ପୋଷ୍ଟମର୍ଟମ ପାଇଁ ଜିଲ୍ଲା ହସ୍ପିଟାଲକୁ ପଠାଇଛି ପୋଲିସ l

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ