ନୟାଗଡ :ଏମିତି ବି ଦୁନିଆରେ କିଛି ଲୋକ ଅଛନ୍ତି, ଯେଉଁମାନେ କର୍ମମୟ ଜୀବନ ଭିତରୁ ସମୟ ବାହାର କରି ସମାଜସେବା ପାଇଁ ଆଗେଇ ଆସିଥାନ୍ତି l ସେମିତି ଏକ ସଂଗଠନ ହେଉଛି ନୟାଗଡ଼ର ସ୍ବେଚ୍ଛାସେବୀ ସଂଗଠନ ରେଡକ୍ରସ ଫୋରମ l ବିନା କାହାର ସହାୟତାରେ ରନ୍ଧା ଖାଦ୍ୟ ପ୍ରସ୍ତୁତ କରି ପ୍ରତିଦିନ ଭିକ୍ଷୁକ, ଅସହାୟ ଓ ମେଡ଼ିକାଲକୁ ଚିକିତ୍ସା ପାଇଁ ଆସୁଥିବା ରୋଗୀଙ୍କୁ ବଣ୍ଟନ କରୁଛନ୍ତି l ସଂଗଠନର ଏଭଳି ନିଆରା ଉଦ୍ୟମଙ୍କୁ ପ୍ରସଂଶା କରିଛନ୍ତି ନୟାଗଡ ବାସିନ୍ଦା ।
200 ଲୋକଙ୍କ ଭୋକିଲା ପେଟ କଥା ବୁଝୁଛି ସାମାଜିକ ସଂଗଠନ
ଭୋକିଲା ପେଟକୁ ଆହାର ତାହା ପୁଣି ବିନା କାହାର ସହାୟତାରେ । କର୍ମମୟ ଜୀବନ ଭିତରୁ ସମୟ ବାହାର କରି ସଂଗଠନର ପରିଚାଳକ ବିଭୂତି ପଟ୍ଟନାୟକ ,ସନ୍ତୋଷ କୁମାର ଷଡ଼ଙ୍ଗୀ, ମାନସ ମହାପାତ୍ର, ପ୍ରତାପ ରଣସିଂହ ଓ ଅନ୍ୟ 3 ସଦସ୍ୟ ଘରେ ରନ୍ଧା ଖାଦ୍ୟ ପ୍ରସ୍ତୁତ କରନ୍ତି । ପ୍ରତିଦିନ 200ରୁ ଊର୍ଦ୍ଧ୍ବ ଅସହାୟ ଲୋକଙ୍କୁ ମାଗଣାରେ ଖାଦ୍ୟ ବଣ୍ଟନ ମଧ୍ୟ କରନ୍ତି ।