3 ବର୍ଷ ପରେ ମହିଳାଙ୍କୁ ଫେରି ପାଇଲେ ପରିବାର ଲୋକେ

କଟକ ବାଦାମବାଡି ଅଞ୍ଚଳରୁ ଜଣେ ମାନସିକ ବିକାରଗସ୍ତ ବୃଦ୍ଧ ମହିଳାଙ୍କୁ ଉଦ୍ଧାର କରାଯାଇଛି l ସମ୍ପୃକ୍ତ ମହିଳାଙ୍କୁ ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି l ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ ସରଣକୁଳ ଥାନା ଅଧୀନ ଗୋତିସାହି ପଞ୍ଚାୟତ କଲ୍ୟାଣପୁର ଦରପଦା ଛକ ନିକଟରୁ ଉଦ୍ଧାର କରାଯାଇଛି l ଅଧିକ ପଢନ୍ତୁ

ନୟାଗଡ଼: କଟକ ବାଦାମବାଡି ଅଞ୍ଚଳର ଜଣେ ମାନସିକ ବିକାରଗସ୍ତ ବୃଦ୍ଧ ମହିଳାଙ୍କୁ ନୟାଗଡରୁ ଉଦ୍ଧାର କରାଯାଇଛି l ସମ୍ପୃକ୍ତ ମହିଳାଙ୍କୁ ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି l ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ ସରଣକୁଳ ଥାନା ଅଧୀନ ଗୋତିସାହି ପଞ୍ଚାୟତ କଲ୍ୟାଣପୁର ଦରପଦା ଛକ ନିକଟରୁ ମହିଳାଜଣଙ୍କୁ ଉଦ୍ଧାର କରାଯାଇଛି l ବୀଣାପାଣି ମୁଳିଆ (୫୪) ନାମକ ମହିଳା ଜଣଙ୍କ ଆଜକୁ ଅଢେଇ ବର୍ଷ ହେବ ନିଖୋଜ ଥିଲେ l

ତେବେ ଏ ନେଇ ପରିବାର ଲୋକେ ରାଜ୍ୟର ବିଭିନ୍ନ ସ୍ଥାନରେ ଖୋଜାଖୋଜି କରିବା ପରେ ମଧ୍ୟ ମହିଳାଙ୍କର କୌଣସି ସନ୍ଧାନ ପାଇପାରିନଥିଲେ । ପରିବାର ଲୋକେ ନିକଟସ୍ଥ ବାଦାମବାଡି ଥାନାରେ ଲିଖିତ ଅଭିଯୋଗ କରିଥିଲେ କିନ୍ତୁ ମହିଳାଙ୍କର କୌଣସି ସୂଚନା ମିଳିନଥିଲା l

କୋରୋନାର ଭୟାବହତା ଯୋଗୁଁ ମହିଳା ଜଣଙ୍କ ଜୀବିତ କି ମୃତ ଏନେଇ ପରିବାରବର୍ଗଙ୍କ ମନରେ ଅନେକ ଦ୍ଵନ୍ଦ ସୃଷ୍ଟି ହୋଇଥିଲେ l ଓଡଗାଁ ଥାନା ଅଧୀନ ଗୋତିସାହି ଗ୍ରାମର ସଚେତନ ଯୁବକ ଅସୀମ ମାନସିଂହ ଓ ସାମ୍ବାଦିକ ଚିତ୍ତରଞ୍ଜନ ନାୟକଙ୍କ ପ୍ରଚେଷ୍ଟା ଏବଂ ଅସୀମ ମାନସିଂହଙ୍କ କଟକ ସ୍ଥିତ ବନ୍ଧୁ ଅଂଶୁମାନ ଉପାଧେୟଙ୍କ ସହାୟତାରେ ମହିଳା କହିଥିବା ଠିକଣା ଅନୁଯାୟୀ ତାଙ୍କ ପରିବାରଙ୍କୁ ଖୋଜି ମହିଳାଙ୍କ ବିଷୟରେ ସୂଚନା ଦିଆଯାଇଥିଲା । ତେବେ ସପରିବାର ଆସି ଶରଣକୁଳ ଥାନା ଅଧିକାରୀଙ୍କ ଉପସ୍ଥିତିରେ ମାଆ'ଙ୍କ ପରିଚୟ ପତ୍ର ଓ ନିଖୋଜ ମାମଲାର ଦସ୍ତାବିଜ ସବୁ ଦେଖାଇବା ସହ ନିଜ ମାଙ୍କୁ ତାଙ୍କ କଟକ ବାସଭବନକୁ ନେଇଛନ୍ତି l ମହିଳା ଜଣଙ୍କୁ ପାଇ ପରିବାରରେ ଖୁସିର ଲହରୀ ଖେଳିଯାଇଛି l

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ