ନୟାଗଡ: ଯେଉଁ ବୟସରେ ଲୋକେ ଘରେ ବସି ସମୟ ବିତାଇଥାନ୍ତି । ସେହି ବୟସରେ ରାଜରାସ୍ତାକୁ ଓହ୍ଲାଇଛନ୍ତି ଝାରସୁଗୁଡାର 63 ବର୍ଷୀୟ ବୟସ୍କ ଅଭିରାମ ଶତପଥୀ l ଓଡିଶାକୁ ନିଶାମୁକ୍ତ କରିବାକୁ ଦିଲ୍ଲୀ ଅଭିମୁଖେ ପଦଯାତ୍ରା କରିଛନ୍ତି ଅଭିରାମ ।
63 ବର୍ଷିୟଙ୍କ ଦିଲ୍ଲୀ ଅଭିମୁଖେ ପଦଯାତ୍ରା
ବୟସର ଅପରାହ୍ନରେ ଅଭିରାମଙ୍କ ନିଶା ଓଡ଼ିଶାକୁ ନିଶାମୁକ୍ତ କରିବା । ଏହାକୁ ସେ ଜୀବନର ବ୍ରତ କରି ନେଇଛନ୍ତି । ସେଥିପାଇଁ ଜାନୁଆରୀ 6ରୁ ଦିଲ୍ଲୀ ଅଭିମୁଖେ ଅଭିରାମ ଆରମ୍ଭ କରିଛନ୍ତି ପଦଯାତ୍ରା । ଝାରସୁଗୁଡ଼ା ବିମାନବନ୍ଦର ନିକଟରୁ ନିଜର ପଦଯାତ୍ରା ଆରମ୍ଭ କରି 22ତାରିଖରେ ପୁରୀରେ ପହଞ୍ଚିଥିଲେ । ଏହା ପରେ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ନିଜର ପଦଯାତ୍ରାର ବିବରଣୀ ପ୍ରଦାନ କରିଥିଲେ । ଏହା ପରେ ସେ ପୁଣି ଦିଲ୍ଲୀ ଅଭିମୁଖେ ବାହାରିଛନ୍ତି ।