ନୟାଗଡ଼: ବେଆଇନ ଖଣି ଉପରେ ଚାନ୍ଦପୁର ପୋଲିସର ଚଢ଼ାଉ । ଏହି ଚଢାଉରେ ଏକ ଗାଡି ଜବତ ହେବା ସହ 4 ଜଣଙ୍କୁ ଗିରଫ କରିଛି ପୋଲିସ । ନୟାଗଡ଼ ଜିଲ୍ଲା ଚାନ୍ଦପୁର ଥାନା ପୋଲିସ ଏବେ ଚର୍ଚ୍ଚାରେ । ଏହି ଥାନାରେ ନୂତନ ଭାବେ ଆଇଆଇସି ରଶ୍ମି ରଞ୍ଜନ ଦାସ ଯୋଗଦେବା ପରେ ଖଣି ମାଫିଆଙ୍କ ମଧ୍ୟରେ ଏକ ପ୍ରକାର ଭୟ ସୃଷ୍ଟି ହୋଇଛି । ଚାନ୍ଦପୁର ପୋଲିସ ସ୍ଥାନୀୟ ଖଣି ଉପରେ ବାରମ୍ବାର ଚଢ଼ାଉ କରୁଛି । ସଦଳବଳେ ଦିନରାତି ଖଣି ଅଞ୍ଚଳରେ ପୋଲିସ ପାଟ୍ରୋଲିଂ କରୁଛି ।
ଏନେଇ ଖଣି ମାଫିଆଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି । ବୃଦ୍ଧି ପାଉଥିବା ବେଆଇନ ପଥରଖଣି କାରବାରକୁ ସମ୍ପୂର୍ଣ୍ଣ ବନ୍ଦ କରିବା ପାଇଁ ଅକ୍ଳାନ୍ତ ପ୍ରଚେଷ୍ଟା ଚଳାଇଛନ୍ତି ଚାନ୍ଦପୁର ଆଇଆଇସି ରଶ୍ମି ରଞ୍ଜନ ଦାସ୍ ଏବଂ ତାଙ୍କ ଏପିଆର ଫୋର୍ସ ।