ନୟାଗଡ଼: ପୋଲିସ କବଳରେ ମୋବାଇଲ ଲୁଟେରା । ନୟାଗଡରେ ଅଧିକାଂଶ ସମୟରେ ମୋବାଇଲ ଲୁଟ ଭଳି ମାମଲା ପ୍ରକାଶ ପାଉଛି । ଏନେଇ ଟାଉନ ଥାନା ପୋଲିସ ବିଭିନ୍ନ ସ୍ଥାନରେ ଚଢାଉ କରି ମୋବାଇଲ ଲୁଟେରାଙ୍କ ପର୍ଦ୍ଦାଫାସ କରିଛି । ଲୁଟରେ ସଂପୃକ୍ତ 3 ଜଣ ଲୁଟେରାଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାପଡ଼ିଛି । ସେମାନେ ହେଲେ ଟାଉନ ଥାନା ଅନ୍ତର୍ଗତ ଦୁର୍ଗାପ୍ରସାଦ ଗ୍ରାମର ବୈକୁଣ୍ଠ ପ୍ରଧାନଙ୍କ ପୁଅ ମୁନା ପ୍ରଧାନ, ଗୋବର୍ଦ୍ଧନ ବେହେରାଙ୍କ ପୁଅ ସନ୍ତୋଷ ବେହେରା ଏବଂ ଶିବରାମ ପ୍ରଧାନଙ୍କ ପୁଅ ଜୟକୃଷ୍ଣ ପ୍ରଧାନ ।
୩ ଲୁଟେରା ଗିରଫ, ବାଇକ ସହ ମୋବାଇଲ ଜବତ - ମୋବାଇଲ ଲୁଟ କରି 3 ଗିରଫ
ନୟାଗଡ଼ରେ ମୋବାଇଲ ଲୁଟ ଘଟଣାରେ ପୋଲିସ 3 ଜଣଙ୍କୁ ଗିରଫ କରି କୋର୍ଟ ଚାଲଣ କରିଛି । ସେମାନଙ୍କ ନିକଟରୁ 5 ମୋବାଇଲ ସହ ଏକ ବାଇକ ଜବତ ହୋଇଛି । ଅଧିକ ପଢ଼ନ୍ତୁ...
୩ ଲୁଟେରା ଗିରଫ, ବାଇକ ସହ ମୋବାଇଲ ଜବତ
ସୂଚନା ଅନୁଯାୟୀ, ଜୟକୃଷ୍ଣ ନୟାଗଡ଼ର ବିଭିନ୍ନ ଅଞ୍ଚଳରୁ ମୋବାଇଲ ଚୋରି କରି ତାକୁ ଫୁଲବାଣୀ ବାଲିଗୁଡ଼ା ଅଞ୍ଚଳରେ ବିକ୍ରି କରୁଥିଲା । ଏନେଇ ପୋଲିସ କୌଣସି ସୂତ୍ରରୁ ଖବର ପାଇଥିଲା । ଅଭିଯୁକ୍ତ ଜୟକୃଷ୍ଣ ଗାଁକୁ ଆସିଥିବା ସମୟରେ ପୋଲିସ ତାକୁ ଗିରଫ କରିଛି । ସେହିଭଳି ଭାବେ କିଛିଦିନ ତଳେ ନୟାଗଡ଼ ପିଟିଏସ୍ ନିକଟରୁ ଦୁଇ ଜଣ ଦୁର୍ବୃତ୍ତ ଜଣେ ବ୍ୟକ୍ତିଙ୍କ ଠାରୁ ମୋବାଇଲ ଝାମ୍ପି ନେଇଥିବା ଅଭିଯୋଗ ହୋଇଥିଲା । ଦୁଇ ଲୁଟେରାଙ୍କୁ ଧରିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢାଉ କରିଥିଲା । ଶେଷରେ ଦୁର୍ଗାପ୍ରସାଦ ଗାଁରୁ ସଂପୃକ୍ତ ଲୁଟେରା ମୁନା ଓ ସନ୍ତୋଷକୁ ପୋଲିସ ଗିରଫ କରିଛି । ସେମାନଙ୍କ ନିକଟରୁ 5 ଟି ମୋବାଇଲ ସହ ଏକ ବାଇକ ଜବତ କରାଯାଇଛି । ପୋଲିସ ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲଣ କରିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ