ନବରଙ୍ଗପୁର: ସ୍ଥାନୀୟ ଡାବୁଗାଁ ଥାନା ଅନ୍ତର୍ଗତ କୁମ୍ଭାରଗୁଡାର ଜଣେ ଯୁବକ ଏକ ନିମ୍ବ ଗଛରେ ବେକରେ ଗାମୁଛା ଦେଇ ଆତ୍ମହତ୍ୟା କରିଥିବା ଦେଖାଯାଇଛି । ଯୁବକ ଜଣକ ଉଦ୍ଧବ ଭତ୍ରା (22) ବୋଲି ଜଣା ପଡିଛି । ଯୁବକଙ୍କ ବାପା ପୂର୍ଣ୍ଣ ଭତ୍ରା ଶନିବାର ଡାବୁଗାଁ ଥାନାରେ ଏତଲା ଦେବା ପରେ ପୋଲିସ ମୃତଦେହକୁ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିଛି । ଡାବୁଗାଁ ଥାନା ସୀଙ୍ଗସାରି ଫାଣ୍ଡି ଅନ୍ତର୍ଗତ କୁମ୍ଭାରଗୁଡ଼ାର ଉଦ୍ଧବ ଶୁକ୍ରବାର ନିକଟସ୍ଥ ଘୋଡ଼ାଖୁଣ୍ଟା ଗ୍ରାମରେ ନିଜ ଶ୍ଵଶୁର ମହାଦେବ ଭତ୍ରାଙ୍କ ଘରକୁ ଯାଇଥିଲା ।
ଶନିବାର ଶୌଚ ପାଇଁ ଯିବାକୁ କହି ସେ ସକାଳୁ ଘରୁ ବାହାରିଥିବା ପରିବାର ଲୋକେ କହିଥିଲେ । ହେଲେ ଗାଁରୁ ଗୋଟିଏ କିଲୋମିଟର ଦୂର ମେଞ୍ଜୋର ରାସ୍ତାରେ ଥିବା ଏକ ନିମ୍ବ ଗଛରେ ବେକରେ ଗାମୁଛା ଦେଇ ସେ ଆତ୍ମହତ୍ୟା କରିଥିଲା । ଶନିବାର ସ୍ଥାନୀୟ ଲୋକେ ଉଦ୍ଧବର ଝୁଲନ୍ତା ମୃତଦେହ ଦେଖିବା ପରେ ପରିବାର ଲୋକଙ୍କୁ ଖବର ଦେଇଥିଲେ ।