ନବରଙ୍ଗପୁର:ବନ୍ଧୁକ କାରବାରରେ 5 ଜଣଙ୍କୁ ଗିରଫ କଲା ଝରିଗାଁ ପୋଲିସ । ନବରଙ୍ଗପୁର ଜିଲ୍ଲା ଝରିଗାଁ ପୋଲିସ ଏକ ହତ୍ୟା ଧମକ ଘଟଣାର ତଦନ୍ତ କରୁଥିବା ସମୟରେ ଅଭିଯୁକ୍ତଙ୍କ ଠାରୁ ଏକ ୯ଏମଏମ ବନ୍ଧୁକ ଜବତ କରିଥିଲା । ଏହି ଘଟଣାର ଖୋଳତାଡ଼ କଲାବେଳେ ବନ୍ଧୁକ କାରବାର ନେଇ ଖବର ସାମ୍ନାକୁ ଆସିଥିଲା।
ନବରଙ୍ଗପୁରରେ ବନ୍ଧୁକ କାରବାର, 5 ଗିରଫ
ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଭରଣ୍ଡିପାରା ଗ୍ରାମର ଜଣେ ଶିକ୍ଷକ ହରିଶ୍ଚନ୍ଦ୍ର ପୂଜାରୀଙ୍କ ଅଭିଯୋଗ ଅନୁସାରେ ଉମରକୋଟ ଥାନା ଅନ୍ତର୍ଗତ ଅଞ୍ଚଲା ଗ୍ରାମର ଦୀପଙ୍କର ରାୟ ଗତ ସୋମବାର ରାତି ହରିଶ୍ଚନ୍ଦ୍ରଙ୍କୁ ତାଙ୍କ ଘରକୁ ଯାଇ ବନ୍ଧୁକ ଦେଖେଇ ହତ୍ୟା ଧମକ ଦେଇଥିଲା । ପରେ ସେଠାରୁ ଖସି ଚାଲି ଆସିଥିଲେ । ଘର ପାଖରେ ଥିବା ଏକ ନୀଳଗିରି ଗଛ ତଳେ ବନ୍ଧୁକକୁ ପୋତି ଦେଇଥିଲା ।