ନବରଙ୍ଗପୁର: ତେନ୍ତୁଳିଖୁଣ୍ଟି ବ୍ଲକ ମଞ୍ଚଗାଁ ପଞ୍ଚାୟତର ନାଏବ ସରପଞ୍ଚ ନିର୍ବାଚନ ଦ୍ୱିତୀୟ ଥର ପାଇଁ ସ୍ଥଗିତ ରହିଛି l ପ୍ରଥମ ଥର ୱାର୍ଡ଼ସଭ୍ୟା ଅପହରଣ ଯୋଗୁଁ ନିର୍ବାଚନ ସ୍ଥଗିତ ରହିଥିବା ବେଳେ ଦ୍ୱିତୀୟ ଥର ମାର୍ଚ୍ଚ ୨ ତରିଖରେ ମଧ୍ୟ ଏହିଭଳି ଅପ୍ରୀତିକର ପରିସ୍ଥିତି ପାଇଁ କୋରମ ଅଭାବରୁ ନିର୍ବାଚନ ସ୍ଥଗିତ ରହିଥିଲା । ଏନେଇ ନିର୍ବାଚନ ଅଧିକାରୀ ତଥା ବିଡିଓ ଜିଲ୍ଲାପାଳଙ୍କୁ ସୂଚନା ଦେଇଥିଲେ ।
ତେବେ ନାଏବ ସରପଞ୍ଚ ନିର୍ବାଚନ କରାଇବାକୁ ମଞ୍ଚ ଗ୍ରାମପଞ୍ଚାୟତର ୧୭ ଜଣ ୱାର୍ଡ଼ ମେମ୍ବର ଙ୍କ ମଧ୍ୟରୁ ୧୦ ଜଣ ୱାର୍ଡ଼ ସଭ୍ୟ ବା ସଭ୍ୟା ବିଡିଓଙ୍କ ନିକଟରେ ଏକ ଦାବିପତ୍ର ପ୍ରଦାନ କରିଛନ୍ତି । ଉପଯୁକ୍ତ ପ୍ରାର୍ଥୀନୀ ତେଜସ୍ବିନୀ ଅଦୁଙ୍କୁ ନାଏବ ସରପଞ୍ଚ ପ୍ରାର୍ଥୀନୀଭାବେ ନିର୍ବାଚିତ କରିବା ପାଇଁ ତେନ୍ତୁଳିଖୁଣ୍ଟି ବିଡ଼ିଓଙ୍କୁ ଦାବିପତ୍ର ପ୍ରଦାନ କରାଯାଇଛି । ସେ ଜଣେ ଉଚ୍ଚ ଶିକ୍ଷିତା ଓ ଜଣେ ମାଧବୀ ଛାତ୍ରୀ ରହିଥିବାରୁ ତାଙ୍କୁ ଏହି ପଦବୀରେ ନିର୍ବାଚିତ କରାଇବାକୁ ଦାବି ହୋଇଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
