ନବରଙ୍ଗପୁର:ଡାବୁଗାଁ ବନାଞ୍ଚଳ ମଇଦପୁର ଅଧୀନ ବାର୍ଲି ସଂରକ୍ଷିତ ଜଙ୍ଗଲରେ ବାରହା ଶିକାର ପାଇଁ ଯାଇଥିବା 4ଶିକାରୀଙ୍କୁ ଗିରଫ କରିଛି ବନ ବିଭାଗ ପୋଲିସ ।
ସୂଚନାଅନୁସାରେ ଜଙ୍ଗଲ ନିକଟ ଉପରମୁଣ୍ଡା ଗାଁର ଚାରିଜଣ ଲୋକ ମଙ୍ଗଳବାର ରାତିରେ ବାରହା ଶିକାର କରିବା ଉଦ୍ଦେଶ୍ୟରେ ଜଙ୍ଗଲକୁ ଯାଇଥିଲେ । ସେଠାରେ ପ୍ରାୟ ଦୁଇ କିଲୋମିଟର ପର୍ଯ୍ୟନ୍ତ ଜିଆଇ ତାର ବିଛାଇ 11କେଭି ବିଦ୍ୟୁତ ଖୁଣ୍ଟରୁ ବିଦ୍ୟୁତ ସଂଯୋଗ କରିଥିଲେ ।
ସକାଳୁ ଚାରି ଶିକାରୀ ଆସି ବିଦ୍ୟୁତ ତାର ଖେଲିବା ସମୟରେ ଖବର ପାଇ ଆଗରୁ ଲୁଚି ରହିଥିବା ବନ ବିଭାଗ କର୍ମଚାରୀଙ୍କ ହାତରେ ଧରା ପଡିଥିଲେ । ଗିରଫ ହୋଇଥିବା ଆସାମୀ ହେଲେ ଉପରମୁଣ୍ଡା ଗ୍ରାମର ଉଦ୍ଧବ ଜାନୀ (୪୮), ସନୁ ଜାନୀ (୪୫), ସାନୁ ଜାନୀ (୫୨) ଓ ମଧୁ ଗୌଡ(35) । ଆସାମୀଙ୍କଠାରୁ ୭କିଗ୍ରା୫୦୦ଗ୍ରାମ ଜିଆଇ ତାର, ୮୦ ଟି ଖୁଣ୍ଟ ଓ ୪ଟି ଟାଙ୍ଗିଆ ଜବତ ହୋଇଛି ।
ଏନେଇ ଡାବୁଗାଁ ବନାଞ୍ଚଳ କାର୍ଯ୍ୟାଳୟରେ କେସ ନଂ 152/2020-21ରେ ଏକ ମାମଲା ରୁଜୁ କରାଯାଇ ଆସାମୀଙ୍କୁ କୋର୍ଟ ଚାଲାଣ କରାଯାଇଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ