ଝରିଗାଁରେ କାଳବୈଶାଖି ତାଣ୍ଡବ: ଉପୁଡିଲା ଗଛ, ଉଡିଲା ଟିଣ

ନବରଙ୍ଗପୁର ଜିଲ୍ଲାର ଝରିଗାଁରେ କାଳବୈଶାଖି ତାଣ୍ଡବ ରଚିଯାଇଛି । କାଳବୈଶାଖି ଯୋଗୁଁ ବ୍ୟାପକ ଗଛ ଉପୁଡିବା ସହ ଘରର ଚାଳଛପର ମଧ୍ୟ ଉଡି ଯାଇଛି ।

ନବରଙ୍ଗପୁର: ଜିଲ୍ଲାର ଝରିଗାଁ ବ୍ଲକରେ କାଳବୈଶାଖିର ତାଣ୍ଡବ । ଗୁରୁବାର ଅପରାହ୍ନରେ କାଳବୈଶାଖି ଯୋଗୁଁ କଲେଗାଁରେ ବ୍ୟାପକ ଗଛ ଉପୁଡି ପଡିଛି । ପାଖାପାଖି 200ରୁ ଊର୍ଦ୍ଧ୍ବ ଗଛ ଉପୁଡି ପଡିଥିବା ଅନୁମାନ କରାଯାଉଛି ।

କାଳବୈଶାଖି ତାଣ୍ଡବରେ କଲେଗାଁରେ 7ଜଣଙ୍କ ଘରର ଚାଳଛପର ଉଡିଯାଇଛି । ସେହିପରି କୁଟ୍ରିଛପର ପଞ୍ଚାୟତ ବାଣୁଆପାରା ଗାଁରେ ୩ଜଣଙ୍କ ଟିଣ ଉଡି ଯାଇିଥିବା ବେଳେ ମେହେର ସାହିରେ ଜଣଙ୍କ ଟିଣ ଉଡାଇ ନେଇଛି ।

ଅନ୍ୟପଟେ ରାସ୍ତାରେ ଗଛ ଗୁଡିକ ପଡିଥିବାରୁ ଯାତାୟତରେ ବ୍ୟାଘାତ ସୃଷ୍ଟି ହୋଇଛି । ଘଟଣାସ୍ଥଳରେ ଓଡ୍ରାଫ ଟିମ୍ ପହଞ୍ଚି ରାସ୍ତାସଫା ଜାରି ରଖିଛନ୍ତି ।

ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ