ନବରଙ୍ଗପୁର: ଭାଲୁ ଭୟରେ ଗ୍ରାମବାସୀ । ନନ୍ଦାହାଣ୍ଡି ବ୍ଲକ ଅନ୍ତର୍ଗତ ବୈରାଗୀଗୁଡା ଗ୍ରାମରେ ଏକ ମକାବାଡ ନିକଟରେ ଥିବା ଗାତ ଭିତରେ 2 ଛୁଆ ଭାଲୁ ସହ ମାଁ ଭାଲୁ ରହିଥିବାରୁ ଗ୍ରାମବାସୀ ଆତଙ୍କିତ ହୋଇ ରହିଛନ୍ତି ।
ଭାଲୁ ଭୟରେ ନବରଙ୍ଗପୁରର ବୈରାଗୀଗୁଡାବାସୀ
ସୂଚନାଅନୁସାରେ,ପ୍ରତିଦିନ ମାଆ ଭାଲୁ ସନ୍ଧ୍ୟା ଓ ସକାଳ ସମୟରେ ବୈରାଗୀଗୁଡା ଗ୍ରାମ ନିକଟ ଦେଇ ଯିବା ଆସିବା କରୁଥିବାର ଲୋକେ ଦେଖିବାକୁ ପାଇଥିଲେ । ଗାଁରୁ ତିନିଶହ ମିଟର ଦୂର ଏକ ମକା କିଆରିରେ ଲୋକ କାମ କରୁଥିବା ବେଳେ ନିକଟସ୍ଥ ଗାତ ମଧ୍ୟରୁ ଛୁଆ ଭାଲୁଙ୍କ କାନ୍ଦୁଥିବା ସ୍ବର ଶୁଣିବାକୁ ପାଇଥିଲେ । ଏହା ପରେ ସେମାନେ ସେହି ଗାତ ପାଖକୁ ଯାଇଥିଲେ । ସେଠାରେ ଏକ ମାଆ ଭାଲୁ ଛୁଆ ଜନ୍ମ କରିଥିବା ଜାଣିବାକୁ ପାଇଥିଲେ । ଏହା ପରେ ଗାଁ ଲୋକ ବନ ବିଭାଗକୁ ଖବର ଦେଇଥିଲେ । ଖବର ପାଇ ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ ।