ନବରଙ୍ଗପୁର: ବିଦ୍ୟୁତ ଖୁଣ୍ଟରୁ ଜଣେ ବ୍ୟକ୍ତିଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ଥାନା ଅନ୍ତର୍ଗତ କର୍ମୀଗୁଡା ଗ୍ରାମ ନିକଟସ୍ଥ ଏକ ପିଜୁଳି ବାଡ ନିକଟରୁ ମୃତଦେହକୁ ଉଦ୍ଧାର କରିଛି ପୋଲିସ । ମୃତ ବ୍ୟକ୍ତି ହେଲେ ଝରିଗୁମା ପଞ୍ଚାୟତ ଡେଙ୍ଗପଦର ଗ୍ରାମର ସମନାଥ ଡଙ୍ଗରି ।
ପରିବାର ଲୋକଙ୍କ କହିବାନୁଯାୟୀ, କିଛି ଦିନ ହେବ ମୃତ ସୋମନାଥଙ୍କ ମସ୍ତିଷ୍କ ଠିକ ନଥିବାରୁ ପରିବାର ଲୋକେ ତାଙ୍କୁ ତେନ୍ତୁଳିଖୁଣ୍ଟି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ମାତ୍ର ସେ ସେଠାରୁ ଖସି ପଳେଇ ଆସି ବେକରେ ଗାମୁଛା ଲଗେଇ ଆତ୍ମହତ୍ୟା କରିଥିବା କହିଛନ୍ତି । ଘଟଣାସ୍ଥଳରେ ତେନ୍ତୁଳିଖୁଣ୍ଟି ଥାନା ଅଧିକାରୀ ପରମାନନ୍ଦ ସୁନାନୀ ଓ ଏସଆଇ ଅଭିମନ୍ୟୁ ଦୁର୍ଗା ପହଞ୍ଚି କେସ ନମ୍ବର ୪/୨୦ ଏକ ଅପମୃତ୍ୟୁ ମାମଲା ରୁଜ୍ଜୁ କରି ମୃତଦେହକୁ ଜବତ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ରଖିଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
TAGGED:
nabrangpur news