ନବରଙ୍ଗପୁର: ଗଛରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର । ଏଭଳି ଏକ ଘଟଣା ଘଟିଛି ନବରଙ୍ଗପୁର ଜିଲ୍ଲା କୋଡ଼ିଙ୍ଗା ଥାନା ଅନ୍ତର୍ଗତ ବଡ଼ଗୁମୁଡ଼ା ଗ୍ରାମରେ । ମୃତଦେହକୁ କୋଡ଼ିଙ୍ଗା ପୋଲିସ ଉଦ୍ଧାର କରିଥିବା ଜଣାପଡିଛି । ତେବେ ପାରିବାରିକ କହଳରୁ ଯୁବକ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ମୃତ ଯୁବକ ଜଣକ ହେଉଛନ୍ତି ସାନଗୁମୁଡ଼ା ଗ୍ରାମର ଡମ୍ବରୁ ମାଝୀ , ବୟସ ୨୫ ବର୍ଷ ।
ଗଛରୁ ଯୁବକଙ୍କ ଝୁଲନ୍ତା ମଡତ ଦେହ ଉଦ୍ଧାର ମିଳିଥିବା ସୂଚନା ଅନୁଯାଇ ଗୁରୁବାର ବଡ଼ଗୁମୁଡ଼ା ଗ୍ରାମର ଏକ କାଜୁ ଗଛରେ ଯୁବକଙ୍କ ଝୁଲନ୍ତା ମୃତଦେହକୁ ଦେଖି କିଛି ଲୋକ କୋଡ଼ିଙ୍ଗା ଥାନାକୁ ଖବର ଦେଇଥିଲେ । ଖବର ପାଇ କୋଡ଼ିଙ୍ଗା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ଏକ ମାମଲା ରୁଜୁ କରିଛି । ଏଥିସହ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଘଟଣାର ଅଧିକ ତଦନ୍ତ ଚଳାଇଥିବା ଜଣାପଡିଛି । ତଦନ୍ତ ପରେ ପ୍ରକୃତ ରହସ୍ୟ ସାମ୍ନାକୁ ଆସିବ ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
