ନବରଙ୍ଗପୁର: ରାଜ୍ୟରେ ପିଲାଏ ସଠିକ୍ ଶିକ୍ଷା ଗ୍ରହଣ କରିବା ପାଇଁ ହୋଇଛି ମାଳ ମାଳ ଯୋଜନା । ହେଲେ ଏତେ ସବୁ ଯୋଜନା ପରେ ବି ବିପଦ ସଙ୍କୁଳ ଅବସ୍ଥାରେ ସ୍କୁଲ ଘରେ ଚାଲିଛି ପାଠପଢା । ନା ଅଛି ପିଲାଙ୍କ ପାଇଁ ଶ୍ରେଣୀଗୃହ, ନା ଅଛି ଶୌଚାଳୟ । ପିଇବା ପାଣି କଥା ତ ନକହିଲେ ଭଲ । ଏ ହେଉଛି ରାଇଘର ବ୍ଲକ ଡୁମୁରିମୁଣ୍ଡା ଗାଁ ସ୍କୁଲର ଦୃଶ୍ୟ ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ଏହି ସ୍କୁଲରେ ପିଲାମାନେ ପଢିବା ପାଇଁ ରହିଛି ଶ୍ରେଣୀଗୃହର ଅଭାବ । ଫଳରେ ନବମ ଓ ଦଶମ ଶ୍ରେଣୀର ଛାତ୍ରଛାତ୍ରୀମାନେ ଗୋଟିଏ ଶ୍ରେଣୀଗୃହରେ ପାଠ ପଢିବା ପାଇଁ ବାଧ୍ୟ ହେଉଛନ୍ତି । ଏହା ଉଭୟ ଶିକ୍ଷକ ଓ ଛାତ୍ରଛାତ୍ରୀଙ୍କ ପାଇଁ ଅସୁବିଧା ହେଉଥିବା ପ୍ରକାଶ କରିଛନ୍ତି ଉଭୟେ ।