ନବରଙ୍ଗପୁର: ସଡକ ସୁରକ୍ଷା ପାଇଁ ସରକାରଙ୍କର ଅନେକ ସଚେତନତା କାର୍ଯ୍ୟକ୍ରମ । ହେଲେ ସ୍ଥିତି ଏବେବି ଅଣାୟତ୍ତ । ଏନେଇ ନବରଙ୍ଗପୁର ରାଇଘର ବ୍ଲକ ଆଦର୍ଶ ବିଦ୍ୟାଳୟର ପିଲା ଏକ ଏଭଳି ପଦକ୍ଷେପ ନେଇଛନ୍ତି ଯାହା ଦେଖିଲେ ଆପଣ ମଧ୍ୟ ଦ୍ବନ୍ଦରେ ପଡିବେ।
ସଡକ ସୁରକ୍ଷା ସଚେତନତା: ମଝି ରାସ୍ତାରେ ମୃତ୍ୟୁର ନାଟକ
ନବରଙ୍ଗପୁରର ଉମରକୋଟରୁ ରାଇଘର ଓ ରାଇଘର ଠାରୁ ଓଡିଶା ସୀମାନ୍ତ ଅଞ୍ଚଳ ପର୍ଯ୍ୟନ୍ତ ରାସ୍ତା ଅବସ୍ଥା କହିଲେ ନସରେ। ପ୍ରତ୍ୟେକ ଦିନ ଏହି ରାସ୍ତାରେ ଦୁର୍ଘଟଣା ଘଟିଥାଏ। 10 ମିନିଟର ରାସ୍ତା ଅତିକ୍ରମ କିରବାକୁ ହେଲେ 1ଘଣ୍ଟାରୁ ମଧ୍ୟ ଅଧିକ ସମୟ ଲାଗେ । ତାହାବି ବିପଦ ସଂକୁଳ ଅବସ୍ଥାରେ ।
ଛତିଶଗଡରୁ ଓଡିଶାକୁ ଅନେକ ଲୋଡିଙ୍ଗ୍ ଟ୍ରକ ଯାତୟତ କରେ ତାହାବି ଦୃତ ଗତିରେ । ଦୀର୍ଘ ଦିନରୁ ଏମିତି ଚାଲୁଥିବା ଦେଖି ସୋମବାର ରାଇଘର ବ୍ଲକ ଆଦର୍ଶ ବିଦ୍ୟାଳୟର ପିଲାମାନେ ଏହାକୁ କାଳ୍ପନିକ ରୂପ ଦେଇଛନ୍ତି । ଏନେଇ ସେ ଏକ ନାଟକ ମୁଖ୍ୟ ରାସ୍ତା ଉପରେ ଆୟୋଜନ କରିଥିଲେ।