ଆଉଁଳିରେ ସଡକ ଦୁର୍ଘଟଣା, 6 ଗୁରୁତର

ଇନ୍ଦ୍ରାବତୀ ନଦୀ ନିକଟ ଆଉଁଳି ଛକ ନିକଟରେ ସଡକ ଦୁର୍ଘଟଣା ଘଟି 6 ଜଣ ଗୁରୁତର ଆହତ ହୋଇଛନ୍ତି ।

ନବରଙ୍ଗପୁର: ନବରଙ୍ଗପୁର ଓ କୋରାପୁଟ ଜିଲ୍ଲା ସୀମାନ୍ତ ଇନ୍ଦ୍ରାବତୀ ନଦୀ ନିକଟ ଆଉଁଳି ଛକ ନିକଟରେ ସଡକ ଦୁର୍ଘଟଣା ଘଟିଛି । ଗୁପ୍ତା ନାମକ ଏକ ଘରୋଇ ବସ ଓ ଏକ ଚାରି ଚକିଆ ଗାଡି ମଧ୍ୟରେ ଧକ୍କା ହେବା ଫଳରେ 6ଜଣ ଗୁରୁତର ହୋଇଛନ୍ତି । ଗୁରୁତର ଆହତଙ୍କୁ ନବରଙ୍ଗପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ବୋରିଗୁମ୍ମା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।

ଗୁରୁତର ଆହତଙ୍କୁ ଯଦି ଅଧିକା ଚିକିତ୍ସାର ଆବଶ୍ୟକତା ପଡ଼େ ତାହା ହେଲେ କୋରାପୁଟ ମେଡିକାଲକୁ ସ୍ଥାନାନ୍ତର କରିବାର ବ୍ୟବସ୍ଥା କରାଯାଉଛି ବୋଲି ନବରଙ୍ଗପୁର ମେଡିକାଲ କର୍ତ୍ତୃପକ୍ଷଙ୍କ ପକ୍ଷରୁ ସୂଚନା ମିଳିଛି ।

ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ