ନବରଙ୍ଗପୁର: ଜିଲ୍ଲା କୋଷାଗୁମୁଡା ବ୍ଲକ କୋଡିଙ୍ଗା-ଦୂରାଗାଁ ରାସ୍ତା ଡଙ୍ଗାପଖନା ନିକଟରେ ଅଘଟଣ । ଭାରସାମ୍ୟ ହରାଇ ଓଲଟିଲା ଚାଉଳ ବୋଝେଇ ଟ୍ରକ । ଟ୍ରକରେ ଥିବା ଦୁଇ ଶ୍ରମିଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି । ମୃତକମାନେ ନବରଙ୍ଗପୁର ବ୍ଲକ ଟିର୍ଲିଆମ୍ବଗୁଡା ଗ୍ରାମର ନବ ହରିଜନ(40) ଓ ସରାଦୁ ଭତରା(35) ହୋଇଥିବା ଜଣାପଡିଛି ।
ଓଲଟିଲା ଚାଉଳ ବୋଝେଇ ଟ୍ରକ, ଦୁଇ ମୃତ
ସୂଚନାଯୋଗ୍ୟ, ରବିବାର ନବରଙ୍ଗପୁର ଠାରୁ କୋଷାଗୁମୁଡା ବ୍ଲକକୁ ଏକ ଆଇଚର ଟ୍ରକରେ 180 ବସ୍ତା ମଧ୍ୟାହ୍ନ ଭୋଜନ ଚାଉଳ ଯାଉଥିଲା । କୋଡିଙ୍ଗା-ଦୂରାଙ୍ଗା ରାସ୍ତା ଡଙ୍ଗାପଖନା ନିକଟରେ ଗାଡିଟି ହଠାତ୍ ଭାରସାମ୍ୟ ହରାଇ ଓଲଟି ପଡିଥିଲା । ଫଳରେ ଟ୍ରକରେ ଶ୍ରମିକ ଭାବେ କାମ କରୁଥିବା ନବ ଓ ସରାଦୁ ରାସ୍ତା ତଳକୁ ଖସି ଯାଇଥିଲେ ଏବଂ ସେହିଠାରେ ହିଁ ସେମାନଙ୍କର ମୃତ୍ୟୁ ଘଟିଥିଲା ।