ନବରଙ୍ଗପୁର: ସମସ୍ତ ରୀତିନୀତି ଓ ଶାନ୍ତିଶୃଙ୍ଖଳାସହ ଅନୁଷ୍ଠିତ ହୋଇଯାଇଛି ପବିତ୍ର ରଥଯାତ୍ରା । ସେବକ ମାନଙ୍କ ଦ୍ବାରା ସୁଦର୍ଶନଙ୍କ ସହିତ ତିନି ଠାକୁର ସିଂହାସନ ଛାଡ଼ି ଧାଡି ପହଣ୍ଡିରେ ଆସି ରଥାରୂଢ ହୋଇଥିଲେ । ଏହାପରେ ରଥରେ ରାଜପୁରୋହିତ ନରସିଂହ ତ୍ରିପାଠୀଙ୍କ ଦ୍ଵାରା ଛେରାପହଁରା ନୀତି ଅନୁଷ୍ଠିତ ହୋଇଥିଲା । ସମସ୍ତ ନୀତି ସୁରୁଖୁରୁରେ ସମାୟାନୁସାରେ ସମ୍ପନ୍ନ ହୋବାପରେ ଭକ୍ତଙ୍କ ଦ୍ଵାରା ରଥ ଟଣା ହୋଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ଏହାପରେ ମାଉସୀ ମା' ମନ୍ଦିରର ବା ଆଡ଼ପ ମଣ୍ଡପରେ ବିଜେ କରିତିଲେ ଚତୁର୍ଦ୍ଧାମୁରତୀ । ଜିଲ୍ଲାପାଳ ଡକ୍ଟର ଅଜିତ କୁମାର ମିଶ୍ର, ଏସପି ନିତିନ କୁସଲକର, ଉପଜିଲ୍ଲାପାଳ, ତଥା ଜିଲ୍ଲାପ୍ରଶାସନର ସମସ୍ତ ଉଚ୍ଚପଦସ୍ଥ ଅଧିକାରୀ ମାନେ ରଥ ଟଣା ସମୟରେ ଭକ୍ତଙ୍କ ସହ ଉପସ୍ଥିତ ରହି ରଥ ଟାଣିଥିଲେ ।