ନବରଙ୍ଗପୁର:ରାଜ୍ୟରେ ପୁଣି ଦେଖିବାକୁ ମିଳିଛି ଜନନୀ ଯନ୍ତ୍ରଣା । ଗାଁକୁ ରାସ୍ତା ନଥିବାରୁ ଆମ୍ବୁଲାନ୍ସ ଆସିପାରିଲା ନାହିଁ । ସାଇକେଲରେ ବୁହାହୋଇ ଆମ୍ବୁଲାନ୍ସ ପର୍ଯ୍ୟନ୍ତ ଜଣେ ଗର୍ଭବତୀଙ୍କୁ ନିଆଯାଇଥିବା ଦେଖିବାକୁ ମିଳିଛି। ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଅନ୍ତର୍ଗତ ବଡ଼ ପାଲିଆ ପଞ୍ଚାୟତର ଦିଉଡୁଗୁଡା ଗ୍ରାମରେ ଏଭଳି ଦୃଶ୍ୟ ଦେଖିବାକୁ ମିଳିଛି।
ସାଇକେଲରେ ବୁହା ହେଲେ ଗର୍ଭବତୀ
ସୂଚନାଅନୁସାରେ, ଗ୍ରାମର ଚୈତନ୍ୟ ସାନ୍ତାଙ୍କ ପତ୍ନୀ ରୋଇଲା ସାନ୍ତାଙ୍କର ପ୍ରସବ ଯନ୍ତ୍ରଣା ହୋଇଥିଲା। ଆଶା ଦିଦିଙ୍କୁ ଖବର ଦେଇଥିଲେ ପରିବାର । ଏହାପରେ ପରିବାରବର୍ଗ ଓ ଆଶା ଦିଦି ୧୦୮ ଓ ୧୦୨ ଗାଡ଼ିକୁ ବାରମ୍ବାର ଫୋନ୍ କରିଥିଲେ ହେଲେ ଗାଁର ରାସ୍ତା ଅବସ୍ଥା ଅତ୍ୟନ୍ତ ଶୋଚନୀୟ ଥିବାରୁ ଗାଡି ଯିବାକୁ ମନା କରିଥିଲା । ଏହା ସହିତ ଲଗାଣ ବର୍ଷା ମଧ୍ୟ ଲାଗି ରହିଥିଲା । ବର୍ଷା ଯୋଗୁଁ ରାସ୍ତାଟି ଆହୁରି କାଦୁଅ ପଚପଚ ହୋଇଥିଲା । ଚାଲି ଚାଲି ଯିବା ମଧ୍ୟ କଷ୍ଟକର ।