ନବରଙ୍ଗପୁର: ପ୍ରଦେଶ କଂଗ୍ରେସ କମିଟିର ସଭାପତି ଶରତ ପଟ୍ଟନାୟକଙ୍କ ନବରଙ୍ଗପୁର ଗସ୍ତ । ଜିଲ୍ଲା କଂଗ୍ରେସ କମିଟି କାର୍ଯ୍ୟକ୍ରମର ଆୟୋଜନ କରି ଥିବାବେଳେ ଏକ ଜନ ସମ୍ପର୍କ ଯାତ୍ରା ମଧ୍ୟ ଆରମ୍ଭ କରିଛି । ରାଜ୍ୟ ନେତୃବୃନ୍ଦ ନବରଙ୍ଗପୁରରେ ପହଞ୍ଚିବା ପରେ ସ୍ଥାନୀୟ ସର୍କିଟ ହାଉସରୁ ବିଭିନ୍ନ ପଦାଧିକାରୀଙ୍କ ସହ ଜନ ସମ୍ପର୍କ ଯାତ୍ରା ଶୁଭାରମ୍ଭ କରିଥିଲେ ପସିସି ସଭାପତି । ଏହି ଅବସରରେ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ପିସିସି ସଭାପତି ।
ବିଜେଡି-ବିଜେପି ଏକାଠି ହୋଇ ଲୋକଙ୍କୁ ଭୂଆଁ ବୁଲାଉଛନ୍ତି ବୋଲି ପିସିସି ସଭାପତି କହିଛନ୍ତି । ଏଥିସହ ଯେପର୍ଯ୍ୟନ୍ତ କଂଗ୍ରେସ ଶାସନକୁ ନ ଫେରିଛି ସେପର୍ଯ୍ୟନ୍ତ ଅଞ୍ଚଳର ବିକାଶ ହୋଇପାରିବନି ବୋଲି କହିଛନ୍ତି । କାର୍ଯ୍ୟକ୍ରମରେ ପ୍ରଥମେ ନବରଙ୍ଗପୁରରୁ ବାହାରି ପାପଡାହାଣ୍ଡି ପହଞ୍ଚିବା ପରେ ବ୍ଲକ କାର୍ଯ୍ୟାଳୟ ସମ୍ମୁଖରେ ପିସିସି ସଭାପତି ଓ ପ୍ରଭାରୀଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯାଇଥିଲା । ସ୍ଥାନୀୟ ଶହୀଦ ମିନାରରେ ଅତିଥିମାନେ ପହଞ୍ଚି 19 ଜଣ ଯୁବ ଆଦିବାସୀ ଶହୀଦଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରି ଡାବୁଗାଁ ଅଭିମୁଖେ ବାହାରିଥିଲେ ।