ନବରଙ୍ଗପୁର : ବନ ବିଭାଗକୁ ସଫଳତା । ଚୋରା ଚାଲାଣବେଳେ ଗୋଟିଏ ବଜ୍ରକାପ୍ତା ଉଦ୍ଧାର ହେବା ସହ ୪ ଚୋରା ଚାଲାଣକାରୀଙ୍କୁ ଗିରଫ କରିବାରେ ସଫଳ ହୋଇଛି ବନ ବିଭାଗ । ନବରଙ୍ଗପୁର ସହର ଠାରୁ ପାପଡାହାଣ୍ଡି ରାସ୍ତା ମଧ୍ୟରେ ଥିବା ଚିକିଲି ନିକଟରେ ଏହି ବଜ୍ରକାପ୍ତା ଉଦ୍ଧାର ହୋଇଛି ।
ଚାଲାଣବେଳେ ବଜ୍ରକାପ୍ତା ଉଦ୍ଧାର, ୪ ଗିରଫ
ଗିରଫ ୪ ଅଭିଯୁକ୍ତ ହେଲେ ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ଥାନା ଅନ୍ତର୍ଗତ ଅଞ୍ଚଳଗୁମ୍ମା ଗ୍ରାମର ବୃନ୍ଦାବନ ପୂଜାରୀ, ତେନ୍ତୁଳିଖୁଣ୍ଟି ଥାନା ଅନ୍ତର୍ଗତ ଚିତ୍ରକୋଟ ଗ୍ରାମର ଲୁଥର ଟାକରି, ରାୟଗଡା ଜିଲ୍ଲା ତିରିଙ୍ଗ ଥାନା ଅନ୍ତର୍ଗତ ଲୁପୁଙ୍ଗ ଗ୍ରାମର ଶ୍ରୀପ ହେମ୍ବ୍ରମ , କୋରାପୁଟ ଜିଲ୍ଲା ବୈପାରିଗୁଡା ଥାନା ଅନ୍ତର୍ଗତ କାଳିଆ ହଟାଲ ଗ୍ରାମର ଶୁକ୍ର ମୁଦୁଲି ବୋଲି ନବରଙ୍ଗପୁର ବନ ବିଭାଗ ତରଫରୁ ସୂଚନା ମିଳିଛି । ସେହିପରି ଅଭିଯୁକ୍ତଙ୍କ ଠାରୁ ୨ଟି ମୋଟରସାଇକଲ, ୪ଟି ମୋବାଇଲ ଫୋନ, ଗୋଟିଏ ଟାଙ୍ଗିଆ, ଗୋଟିଏ ଖଣ୍ଡା ଜବତ ହୋଇଛି । ବନ୍ୟଜନ୍ତୁ ଚୋରାଚାଲାଣ ଅଭିଯୋଗରେ ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ପୋଲିସ କହିଛି ।