ନବରଙ୍ଗପୁର: ପଞ୍ଚାୟତ ନିର୍ବାଚନ ପ୍ରାର୍ଥୀପତ୍ର ଦାଖଲ, ଯାଞ୍ଚ ଶେଷ ହେବାପରେ ଆସିସାରିଛି ଚୂଡାନ୍ତ ତାଲିକା । ଏବେ ନବରଙ୍ଗପୁର ଜିଲ୍ଲାରେ ଜମିବାରେ ଲାଗିଛି ନିର୍ବାଚନ ପ୍ରଚାର । ମୈଦାନରେ ପ୍ରାର୍ଥୀ ଓ ନେତାଙ୍କ ମଧ୍ୟରେ ଚାଲିଛି ଆରୋପ ଓ ପ୍ରତ୍ୟାରୋପ ରାଜନୀତି । ପ୍ରାର୍ଥୀ ମାନେ ଭୋଟରଙ୍କୁ କିପରି ଆକୃଷ୍ଟ କରିବାରେ ସଫଳ ହେବେ ସେଥିପାଇଁ ଚାଲିଛି ରଣନୀତି ।
ପଞ୍ଚାୟତ ଟକ୍କର: କିଏ ଦକଳ କରିବ ନବରଙ୍ଗପୁର ଗଡ? 3 ଦଳ ଆଶାବାଦୀ
ସବୁ ପଦବୀ ପାଇଁ ନିର୍ବାଚନ ଗୁରୁତ୍ବପୂର୍ଣ୍ଣ ହୋଇଥିବା ବେଳେ ଜିଲ୍ଲାର 26 ଟି ଜିଲାପରିଷଦ ଆସନ ପାଇଁ ଅଧିକ ଟକ୍କର ହେଉଥିବା ଦେଖିବାକୁ ମିଳିଛି। ସମସ୍ତ ପ୍ରାର୍ଥିଙ୍କ ଲାଗି ପ୍ରାୟ ସବୁ ଦଳର ନେତା ମାନେ ପ୍ରଚାର ଲାଗି ମୈଦାନରେ ଥିବା ବେଳେ ଭୋଟର କାହାକୁ ଗ୍ରହଣ କରିବେ ତାହା ସମୟ କହିବ।
ଜିଲ୍ଲା ପରିଷଦ ଦଖଲ ପାଇଁ 3 ପ୍ରମୁଖ ଦଳ ପକ୍ଷରୁ ବିଜୟ ସମ୍ଭାବନା ଥିବା ନେତାଙ୍କୁ ପ୍ରାର୍ଥୀ କରାଯାଇଛି । ଜିଲ୍ଲାରେ ବିଜେଡିର ମଙ୍ଗ ସାଂସଦ ରମେଶ ଚନ୍ଦ୍ର ମାଝୀ ଓ ପ୍ରଦୀପ ମାଝୀ ଧରିଥିବା ବେଳେ ଦଳର ସଫଳତା ପାଇଁ ଉଭୟ ନେତା ମୈଦାନରେ ଲାଗିପଡିଛନ୍ତି ।