ଭାଲୁ ଆକ୍ରମଣରେ ଜଣେ ଆହତ

ନବରଙ୍ଗପୁର ଜିଲ୍ଲା ମନ୍ତ୍ରୀଗୁଡା ପଞ୍ଚାୟତ ଅନ୍ତର୍ଗତ ସରଣପୁର ଜଙ୍ଗଲରେ ମଣିଷ-ଭାଲୁ ଲଢେଇ l ଏହି ଲଢେଇରେ ସରଣପୁର ଗ୍ରାମର କ୍ଷମରାଜ ଦିଶାରୀ ଗୁରୁତର ହୋଇଛନ୍ତି l ପଢନ୍ତୁ ସମ୍ପୂର୍ଣ୍ଣ ଖବର...

ନବରଙ୍ଗପୁର: ମନ୍ତ୍ରୀଗୁଡା ପଞ୍ଚାୟତ ଅନ୍ତର୍ଗତ ସରଣପୁର ଜଙ୍ଗଲରେ ମଣିଷ-ଭାଲୁ ଲଢେଇ l ଏହି ଲଢେଇରେ ସରଣପୁର ଗ୍ରାମର କ୍ଷମରାଜ ଦିଶାରୀ ଗୁରୁତର ହୋଇଛନ୍ତି l କ୍ଷମରାଜ ନିକଟ ଜଙ୍ଗଲରେ ଗାଈ ଚରେଇବାକୁ ଯାଇଥିବାବେଳେ ତାଙ୍କୁ ୩ଟି ଭାଲୁ ଆକ୍ରମଣ କରିଥିଲେ l ଭାଲୁ ତାଙ୍କର ଡାହାଣ ହାତରେ କାମୁଡି ଦେଇଥିବା ଜଣାପଡିଛି l କ୍ଷମରାଜକୁ ରକ୍ତାକ୍ତ ଅବସ୍ଥାରେ ଗାଁ ଲୋକେ ନବରଙ୍ଗପୁର ଜିଲ୍ଲାମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି l

ଅନ୍ୟପକ୍ଷରେ ସନ୍ଧ୍ୟାରେ ୨ଟି ଛୁଆ ଭାଲୁ ଓ ଗୋଟିଏ ମାଈ ଭାଲୁ ସେହି ଜଙ୍ଗଲରୁ ବାହାରି ରାସ୍ତା ପାର କରୁଥିବାବେଳେ ଶତାଧିକ ଲୋକେ ରୁଣ୍ଡ ହୋଇ ଦେଖୁଥିଲେ l ଏତେ ଲୋକଙ୍କୁ ଦେଖି ଭାଲୁ ବି ରାସ୍ତା ପାର କରିପାରୁ ନଥିଲେ l ଉଭୟ ମଣିଷ ଓ ଭାଲୁ ରାସ୍ତା ପାର କରିବାକୁ ଦୀର୍ଘ ସମୟ ଧରି ଅପେକ୍ଷା କରିଥିଲେ l ଶେଷରେ ୩ଟି ଭାଲୁ ରାସ୍ତା ପାର ହେବା ପରେ ଲୋକେ ସେହି ରାସ୍ତା ଦେଇ ନିଜର ଗନ୍ତବ୍ୟ ସ୍ଥଳକୁ ଫେରିଥିଲେ l

ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ