ନବରଙ୍ଗପୁର:ବଜ୍ରପାତ ନେଲା ଜୀବନ । କେନ୍ଦୁପତ୍ର ତୋଳିବାକୁ ଯାଇଥିବା ବେଳେ ବଜ୍ରପାତରେ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି । ବ୍ୟକ୍ତି ଜଣଙ୍କ ହେଲେ ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ଅନ୍ତର୍ଗତ ଉଦୟପୁର ଗ୍ରାମର କେଶବ ପାତ୍ର ।
ବଜ୍ରପାତରେ ଜଣେ ମୃତ
ସୂଚନାଅନୁସାରେ, ସବୁ ଦିନ ପରି କେଶବ କେନ୍ଦୁପତ୍ର ତୋଳି ସାରିବା ଡିପୋକୁ ବିକ୍ରି କରିବାକୁ ନେଇଥିଲେ । ଏହି ସମୟରେ ବର୍ଷା ପବନ ସହ ପ୍ରବଳ ମାତ୍ରାରେ ବିଜୁଳି ମାଡ଼ ଆରମ୍ଭ ହୋଇଥିଲା । କେନ୍ଦୁପତ୍ର ବିକ୍ରି କରିବାକୁ ଆସିଥୁବା କେଶବ ଆଶ୍ରୟ ନେଇଥିବା ସମୟରେ ତାଙ୍କ ଉପରେ ବଜ୍ରଘାତ ହୋଇଥିଲା । ସେହି ସ୍ଥାନରେ ହିଁ ଟଳି ପଡିଥିଲେ କେଶବ । ସ୍ଥାନୀୟ ଲୋକ ଆମ୍ବୁଲାନ୍ସ ଯୋଗେ କେଶବଙ୍କୁ ତେନ୍ତୁଳିଖୁଣ୍ଟି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।