ନବରଙ୍ଗପୁର: ଅଜଣା ଗାଡି ଧକ୍କାରେ ଜଣେ ଛାତ୍ରଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଗୁରୁତର ହୋଇଛି । ନବରଙ୍ଗପୁର ଜିଲ୍ଲା ସୀମାନ୍ତବର୍ତ୍ତୀ ଓଡିଶା-ଛତିଶଗଡକୁ ସଂଯୋଗ କରୁଥିବା 40ନମ୍ବର ରାଜ୍ୟ ରାଜପଥର ଜୋଡଙ୍ଗାଶାନ୍ତି ନଗର ଛକରେ ଏହି ଦୁର୍ଘଟଣା ଘଟିଛି । ମୃତ ଛାତ୍ର ହେଲେ 17 ବର୍ଷୀୟ ସମୀର ପାଠରୀ ଓ ଗୁରୁତର 15 ବର୍ଷୀୟ ମୁକେଶ କୋଶରୀୟ । ଉଭୟଙ୍କ ଘର ରାଇଘର ବୋଲି ଜଣାପଡିଛି ।
ଭିଡିଓ ସୌଜନ୍ୟ :ସମ୍ବାଦଦାତା, ନବରଙ୍ଗପୁର
ଦୁର୍ଘଟଣା ପରେ ଉଭୟ ଘଟଣାସ୍ଥଳରେ ଦୀର୍ଘ ସମୟ ଧରି ପଡି ରହିଥିଲେ । ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ 108 ଆମ୍ବୁଲାନ୍ସ ଯୋଗେ ରାଇଘର ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ପରେ ଉଭୟଙ୍କ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ ନବରଙ୍ଗପୁର ଜିଲ୍ଲା ସ୍ବାସ୍ଥ୍ୟକେନ୍ଦ୍ର ନିଆଯାଉଥିଲା । ମାତ୍ର ଉମରକୋଟ ଠାରେ ସମୀରର ମୃତ୍ୟୁ ହୋଇଥିବାବେଳେ ମୁକେଶକୁ କୋରାପୁଟ ସ୍ଥାନାନ୍ତର କରାଯାଇଛି ।