ନବରଙ୍ଗପୁର: ଜିଲ୍ଲା ଡଙ୍ଗରଭେଜା ନିକଟରେ ଦୁଇ ବାଇକ ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବାବେଳେ ଚାରିଜଣ ଆହତ ହୋଇଛନ୍ତି ।
ଦୁଇ ବାଇକ ମୁହାଁମୁହିଁ ଧକ୍କା
ସୂଚନାଅନୁସାରେ,ଡଙ୍ଗରଭେଜା ଫାଣ୍ଡି ନିକଟରେ ଦୁଇଟି ବାଇକ ମୁହାଁମୁହିଁ ହେବା ଫଳରେ ଏହି ଦୁର୍ଘଟଣା ଘଟିଛି । ଦୁର୍ଘଟଣାରେ ସାଗରମୁଣ୍ଡା ଗ୍ରାମର ଶ୍ରୀତମ କଚିମ ନାମକ ବ୍ୟକ୍ତିଙ୍କର ମୃତ୍ୟୁ ହୋଇଛି । ବ୍ୟକ୍ତି ଜଣକ ଅନ୍ୟ ଦୁଇ ଜଣ ବନ୍ଧୁଙ୍କ ସହ ଘର ରଙ୍ଗ କାମ କରି ଫେରୁଥିଲେ । ଏହା ସହିତ ଅନ୍ୟ ଦୁଇ ଜଣ ଆହତ ନିଜ ସାଙ୍ଗମାନଙ୍କ ସହ ଗୋଟିଏ ଭୋଜିରେ ଯୋଗଦେଇ ଫେରୁଥିଲେ ବୋଲି ଜଣା ପଡିଛି।