ନବରଙ୍ଗପୁର: ପଡାେଶୀ ଘରୁ ବାସି ବିରିୟାନୀ ଆଣି ତାକୁ ଖାଇବା ପଡିଲା ମହଙ୍ଗା । ବିରିୟାନୀ ଖାଇ ଜଣେ ଶିଶୁ ମୃତ୍ୟୁ ମୁଖରେ ପଡିଥିବାବେଳେ ଅନ୍ୟ 3 ଶିଶୁ ଗୁରୁତର ହୋଇଛନ୍ତି । ଗୁରୁତର ଶିଶୁମାନଙ୍କୁ ଉମରକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଗୁରୁତର ଅବସ୍ଥାରେ ଚିକିତ୍ସିତ କରାଯାଉଛି । ଏହି ଦୁଃଖଦ ଘଟଣା ଘଟିଛି ନବରଙ୍ଗପୁର ଜିଲ୍ଲା ଉମରକୋଟ ପୌରପାଳିକା 8 ନମ୍ବର ୱାର୍ଡ କେନାଲ ସାହିରେ ।
ବାସି ବିରିୟାନୀ ଖାଇ ଜଣେ ଶିଶୁ ମୃତ, 3 ଗୁରୁତର
ଘଟଣା ଅନୁସାରେ କେନାଲ ସାହିର ଲକ୍ଷ୍ମଣ ହରିଜନଙ୍କ ତିନି ପୁଅ ଝିଅ ଓ ରାଇତ ହରିଜନଙ୍କ ଜଣେ ପୁଅ ପଡିଶା ଘରୁ ବାସି ବିରିୟାନୀ ଆଜି ସକାଳେ ଖାଇଥିଲେ । କିଛି ସମୟ ପରେ ସେମାନଙ୍କୁ ବାନ୍ତି ହେବାରୁ ଉମରକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା । କିନ୍ତୁ ସେତେବେଳେ ସମସ୍ତଙ୍କ ଅବସ୍ଥା ଠିକ୍ ଥିବା ଦର୍ଶାଇ ପ୍ରାଥମିକ ଚିକିତ୍ସା କରି ଘରକୁ ପଠାଇ ଦେଇଥିଲେ ଡାକ୍ତର ।