ନବରଙ୍ଗପୁର: ପୁଣି ନବରଙ୍ଗପୁରରେ ମାତିଲେ ଭାଲୁ । ଭାଲୁ ଆକ୍ରମଣରେ ଜଣେ 62 ବର୍ଷୀୟ ବୃଦ୍ଧ ଗୁରୁତର । ଏଭଳି ଘଟଣା ଘଟିଛି ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଗୋପିଗୁଡା ଗ୍ରାମରେ । ଗୋପିଗୁଡା ଗ୍ରାମର ଲଚ୍ଛା ଭତ୍ରା ଓ ଅନ୍ୟ ମାନେ ଗାଇ ଚରାଇବା ନିମନ୍ତେ ଗାଁ ନିକଟସ୍ଥ ଜଙ୍ଗଲକୁ ଯାଇଥିବା ବେଳେ ହଠାତ ଲଚ୍ଛା ଭତରାଙ୍କୁ ଗୋଟିଏ ଭାଲୁ ଆକ୍ରମଣ କରିଥିଲା ।
ନବରଙ୍ଗପୁରରେ ମାତିଲେ ଭାଲୁ, ଆକ୍ରମଣରେ ବୃଦ୍ଧ ଗୁରୁତର ତେବେ ସାଙ୍ଗରେ ଯାଇଥିବା ଲୋକମାନେ ହୋହଲ୍ଲା କରି ଭାଲୁଟିକୁ ଘଉଡାଇବା ପରେ ବୃଦ୍ଧଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ପାପଡାହାଣ୍ଡି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଅବସ୍ଥା ଗୁରୁତର ହେବାରୁ ପରବର୍ତ୍ତୀ ସମୟରେ ତାଙ୍କୁ ନବରଙ୍ଗପୁର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ବର୍ତ୍ତମାନ ବୃଦ୍ଧ ଜଣକ ସୁସ୍ଥ ରହିଥିବା ପରିବାର ଲୋକଙ୍କ ପକ୍ଷରୁ ସୂଚନା ଦିଆଯାଇଛି ।
ଇଟିଭି ଭାରତ, ନବରଙ୍ଗପୁର
