ଟିପର ଧକ୍କାରେ ବୃଦ୍ଧଙ୍କ ମୃତ୍ୟୁ, କ୍ଷତିପୂରଣ ଦାବିରେ ଗ୍ରାମବାସୀଙ୍କ ରାସ୍ତା ରୋକ

ନବରଙ୍ଗପୁର ଜିଲ୍ଲା ଦେଓଭରଣ୍ଡିରେ ମର୍ମନ୍ତୁଦ ସଡ଼କ ଦୁର୍ଘଟଣା । ଧକ୍କା ଦେଲା ଟିପ୍ପର । ଚାଲିଗଲା ବ୍ୟକ୍ତିଙ୍କ ସହ ୬ ଗୋରୁଙ୍କ ଜୀବନ । ଅଧିକ ପଢ଼ନ୍ତୁ

ନବରଙ୍ଗପୁର:ଜିଲ୍ଲାର ରାଇଘର ବ୍ଲକ ନାକଟିସିମଡା ପଞ୍ଚାୟତସ୍ଥିତ ଦେଓଭରଣ୍ଡିରେ ଅଭାବନୀୟ ଘଟଣା । ଜଣେ ବ୍ୟକ୍ତିଙ୍କ ସହ ୬ଟି ଗାଈ ଉପରେ ଚଢିଗଲା ଟିପ୍ପର । ସୂଚନା ଅନୁଯାୟୀ ନବରଙ୍ଗପୁର ଜିଲ୍ଲାର ମୁଖ୍ୟ ରାସ୍ତାରେ ଜଣେ ବ୍ୟକ୍ତି ସମାରୁ ଗଣ୍ଡ ଗାଈ ଚରେଇବାକୁ ଘରୁ ବାହାରିଥିଲେ । ସେହି ସମୟରେ ହଠାତ ଏକ ଭାରତ ମାଳା ଟିପ୍ପର ଦ୍ରୁତ ଗତିରେ ଆସି ଧକ୍କା ଦେଇଥିଲା ସମାରୁଙ୍କ ସହ ୬ ଗୋରୁଙ୍କୁ । ଫଳରେ ଘଟଣାସ୍ଥଳରେ ସମାରୁ ଗଣ୍ଡଙ୍କ ସହ ୬ଟି ଗାଈଙ୍କ ମୃତ୍ୟୁ ହୋଇଥିଲା ।

ଏନେଇ ସ୍ଥାନୀୟ ଲୋକେ କ୍ଷତିପୂରଣ ସହ ଡ୍ରାଇଭରଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ଦାବି କରିଥିଲେ । ଏହାସହ ପ୍ରତିବାଦରେ ହଜାର ହଜାର ଲୋକେ ମୁଖ୍ୟ ରାସ୍ତା ଉପରେ କାଠ ରଖି ପ୍ରତିବାଦ କରିଥିଲେ । ଘଟଣାସ୍ଥଳରେ ରାଇଘର ଥାନା ଅଧିକାରୀ ଏବଂ କୁନ୍ଦେଇ ଥାନା ଅଧିକାରୀ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ମଧ୍ୟ କିଛି ସମାଧାନର ବାଟ ଫିଟିନାହିଁ । କୁନ୍ଦେଇ ପୋଲିସ ଗାଡି ଜବତ କରି ଗାଡି ଡ୍ରାଇଭରକୁ ଥାନାରେ ଅଟକ ରଖିଛନ୍ତି ।

ଇଟିଭି ଭାରତ, ନବରଙ୍ଗପୁର