ନବରଙ୍ଗପୁର: ଉପାନ୍ତ ଜିଲ୍ଲାରେ କିଭଳି ରହିଛି ଆଇନ ବ୍ୟବସ୍ଥା। କିଭଳି କାର୍ଯ୍ୟ କରୁଛି 5T ଓ ମୋ ସରକାର କାର୍ଯ୍ୟକ୍ରମ। ତାହାକୁ ଯାଞ୍ଚ କରିବାକୁ ଅଚାନକ ନବରଙ୍ଗପୁର ଜିଲ୍ଲା ଗ୍ରସ୍ତ କରିଥିଲେ ରାଜ୍ୟ ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର।
ନବରଙ୍ଗପୁରରେ ଆଇନ ବ୍ୟବସ୍ଥା ଓ 5T ଯାଞ୍ଚ କଲେ ରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ର
ଜିଲ୍ଲାର ପାପଡାହାଣ୍ଡି ଥାନାକୁ ଅଚାନକ ପରିଦର୍ଶନରେ ଯାଇ ଥାନାର ବାସ୍ତବ ସ୍ଥିତି ଅନୁଧ୍ୟାନ କରିଛନ୍ତି ରାଷ୍ଟ୍ର ମନ୍ତ୍ରୀ । ଥାନାରେ ପହଞ୍ଚି ବାସ୍ତବ ସ୍ଥିତି ଅନୁଧ୍ୟାନ ପରେ ଖୁସି ବ୍ୟକ୍ତ କରିଥିଲେ ମନ୍ତ୍ରୀ ଦିବ୍ୟଶଙ୍କର । ଥାନାରେ ମୋ ସରକାର ଓ 5T ବ୍ୟବସ୍ଥା ଠିକ ଢଙ୍ଗରେ କାର୍ଯ୍ୟ କରି ଏହି ବ୍ୟବସ୍ଥା ମଧ୍ୟରେ ପୋଲିସ କାର୍ଯ୍ୟ କରୁଥିବା ନେଇ ଦେଖିବାକୁ ପାଇଥିବା କହିଛନ୍ତି ମନ୍ତ୍ରୀ। ଯେଉଁ କେସ ଆସୁଛି ତାହା ଉପରେ ତୁରନ୍ତ କାର୍ଯ୍ୟାନୁଷ୍ଠାନ ନିଆଯାଇ ଦୋଷୀଙ୍କୁ ଧରିବା ସହ ତାର ସମାଧାନ ତୁରନ୍ତ ହୋଇପାରୁଥିବା ମନ୍ତ୍ରୀ କହିଛନ୍ତି ।