ନବରଙ୍ଗପୁର:ତାରାଗାଁ ସ୍ଥିତ ରଶ୍ମି ରଞ୍ଜନ ସିଦ୍ଧାଶ୍ରମ ପରିସରରେ ନାଗ ଚତୁର୍ଥୀ ପୂଜା ଅନୁଷ୍ଠିତ ହୋଇଯାଇଛି। ଉଈହୁଙ୍କା ମଧ୍ୟରେ ଅଣ୍ଡା ଓ କ୍ଷୀର ଢ଼ାଳି ପୂଜାର୍ଚ୍ଚନା କରିଛନ୍ତି ଶ୍ରଦ୍ଧାଳୁ । ପ୍ରାୟ ସାତଟି ହୁଙ୍କାରେ ସପରିବାର ନାଗ ପୂଜା କରି ବାଣ ଫୁଟାଇଛନ୍ତି ଶ୍ରଦ୍ଧାଳୁ ।
ନାଗ ଚତୁର୍ଥୀ ପୂଜା ଅନୁଷ୍ଠିତ : ଧୂପଦୀପ ନୈବେଦ୍ୟରେ କମ୍ପିଲା ପରିବେଶ
ଆଶ୍ରମ ଅଧ୍ୟକ୍ଷ ନୀଳକଣ୍ଠ ପାଢ଼ୀ ପୂଜାକୁ ପରିଚାଳନା କରିଥିଲେ । ପୂଜାର ନିୟମାନୁଯାୟୀ ନାଗଗଣଙ୍କ ବାସସ୍ଥଳ ଉଈ ହୁଙ୍କାରେ ନାଗଙ୍କ ଉଦ୍ଦେଶ୍ୟରେ ହଳଦୀ ପାଣି ସିଞ୍ଚନ କରାଯାଇଥିଲା । ଏହାପରେ ଧୂପ, ଦୀପ, ଚନ୍ଦନ ,କୁଙ୍କୁମ, ପୁଷ୍ପ, ହଳଦିଆ ଚାଉଳ, ନବବସ୍ତ୍ରକୁ ଉଇହୁଙ୍କାରେ ଶ୍ରଦ୍ଧାଳୁମାନେ ସମର୍ପଣ କରିଥିଲେ ।