ନବରଙ୍ଗପୁର:ନ୍ୟାସନାଲ ହେରାଲ୍ଡ ଅର୍ଥ ହେରଫେର ମାମଲାରେ ଗତ ୪ ଦିନ ହେଲା ରାହୁଲ ଗାନ୍ଧୀଙ୍କୁ ଜେରା କରୁଛି ପ୍ରବର୍ତ୍ତନ ନିର୍ଦ୍ଦେଶାଳୟ(ED) । ରାହୁଲଙ୍କୁ ବାରମ୍ବାର ନୋଟିସ ନେଇ ସାରା ଦେଶରେ ବିରୋଧ ପ୍ରଦର୍ଶନ କରୁଛନ୍ତି କଂଗ୍ରେସ ନେତା ଓ କର୍ମୀ । ଏହାକୁ ନେଇ ଆଜି(ଗୁରୁବାର) ଏକ ସାମ୍ବାଦିକ ସମ୍ମିଳନୀ କରିଛି ନବରଙ୍ଗପୁର କଂଗ୍ରେସ ।
ବିରୋଧୀଙ୍କ ପ୍ରତି ମୋଦିଙ୍କ ଏଭଳି ଆଭିମୁଖ୍ୟ ଭାରତ ରାଜନୀତି ଇତିହାସରେ ଏକ କଳା ଇତିହାସ ସୃଷ୍ଟି କରିବାକୁ ଯାଉଛି ବୋଲି କହିଛନ୍ତି ନବରଙ୍ଗପୁର କଂଗ୍ରେସ ସଭାପତି ମୁନା ତ୍ରିପାଠୀ । ଗତକାଲି(ବୁଧବାର) ରାହୁଲ ଗାନ୍ଧୀଙ୍କୁ ଇଡିର ଜେରାକୁ ନେଇ ରାଜଧାନୀ ଦିଲ୍ଲୀ AICC କାର୍ଯ୍ୟାଳୟ ସମ୍ମୁଖରେ କଂଗ୍ରେସ କର୍ମୀ ବିକ୍ଷୋଭ ପ୍ରଦର୍ଶନ କରୁଥିବା ବେଳେ ପୋଲିସ କାର୍ଯ୍ୟାଳୟ ଭିତରକୁ ସାଂସଦ ଓ ନେତାଙ୍କୁ ଗିରଫ କରିଥିଲା । ପୋଲିସର ଏଭଳି ଗୁଣ୍ଡାରାଜ ବିରୋଧରେ କଂଗ୍ରେସ ବିକ୍ଷୋଭ ପ୍ରଦର୍ଶନ କରାଯିବ ବୋଲି କହିଛନ୍ତି ନବରଙ୍ଗପୁର କଂଗ୍ରେସ ସଭାପତି ମୁନା ତ୍ରିପାଠୀ ।
