ନବରଙ୍ଗପୁର: ମାନବିକତା ଦେଖାଇଲେ ଜିଲ୍ଲାପାଳ । ଦୁର୍ଘଟଣାରେ ଗୁରୁତର ଏକ ଯୁବଚାଷୀଙ୍କୁ ନିଜ ଖର୍ଚ୍ଚରେ ଗାଡି ଭଡା କରି ପହଞ୍ଚାଇଲେ ଡାକ୍ତରଖାନା । ନବରଙ୍ଗପୁର ଜିଲ୍ଲାପାଳ ଡ. ଅଜିତ ସିଂଙ୍କ ମାନବିକତାକୁ ନେଇ ଏବେ ଚାରିଆଡେ ଚର୍ଚ୍ଚା । ଏ ନେଇ ଜିଲ୍ଲାବାସୀଙ୍କ ପ୍ରଶଂସାର ପାତ୍ର ହୋଇଛନ୍ତି ଜିଲ୍ଲାପାଳ ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ଜିଲ୍ଲାପାଳ ଅଜିତ ସିଂ ଜନଶୁଣାଣି ପାଇଁ ସଦର ବ୍ଲକ ଅନ୍ତର୍ଗତ ସାନମସିଗାଁ ପଞ୍ଚାୟତକୁ ଯାଉଥିବା ବେଳେ ଜଣେ ଯୁବକ ରକ୍ତ ଜୁଡୁବୁଡୁ ଅବସ୍ଥାରେ ପଡି ରହିଥିବାର ଦେଖିଥିଲେ । ଘଟଣା ଜିଲ୍ଲାପାଳଙ୍କ ନଜରକୁ ଆସିବା ପରେ ସାଙ୍ଗେସାଙ୍ଗେ ସେ ଷ୍ଟ୍ରେଚର ଯୋଗେ ଯୁବକଙ୍କୁ ନେଇ ନିକଟରେ ଥିବା ସାନମସିଗାଁ ମେଡିକାଲରେ ଭର୍ତ୍ତି କରିଥିଲେ ।